ஜெப்பர்சன் பார்பானுக்கு தலையில் காயம்: மருத்துவமனையில் அனுமதி!

மாஸ்கோ: பயிற்சியின் போது சகவீரருடன் மோதிக்கொண்டதில் பெரு வீரர் பார்பானுக்கு தலையில் அதிர்வு ஏற்பட்டதால் மருத்துவமனையில் அனுமதிக்கப்பட்டுள்ளார்.

உலகளவில் அதிக ரசிகர்களை கொண்ட கால்பந்து விளையாட்டின் உலகக்கோப்பை தொடர் நான்கு ஆண்டுகளுக்கு ஒரு முறை நடத்தப்படும். கடந்த 2014ல் இத்தொடர் பிரேசிலில் நடந்தது.

இதையடுத்து இந்த ஆண்டுக்கான 21வது உலகக்கோப்பை கால்பந்து தொடர் ரஷ்யாவில் நடக்கிறது. வரும் ஜூலை 15 வரை ரஷ்யாவில் இத்தொடர் நடக்கிறது. 32 அணிகள் பங்கேற்கும் இத்தொடர் ரஷ்யாவின் 11 முக்கிய நகரங்களில் 64 போட்டிகள் நடக்கிறது.

பெரு வெளியேற்றம்....
இதன் ஃபைனல் போட்டி மாஸ்கோவின் லுஸ்நிகி மைதானத்தில் நடக்கவுள்ளது. இந்நிலையில், இத்தொடரின் குரூப்-சி பிரிவில் டென்மார்க், பிரான்ஸ், ஆஸ்திரேலியா அணிகளுடன் பெரு அணி இடம் பெற்றுள்ளது.

இதில் பிரான்ஸ், டென்மார்க் அணிகளுக்கு எதிரான லீக் போட்டியில் பெரு அணி தோல்வியடைந்து அடுத்த சுற்றுக்கான வாய்ப்பை இழந்தது. இந்நிலையில் சோச்சியில் நடக்கும் கடைசி லீக் போட்டியில் பெரு அணி, ஆஸ்திரேலிய அணியை எதிர்கொள்கிறது.

அதிர்வு.....
இப்போட்டிக்கான பயிற்சியின் போது, பெரு வீரர் ஜெப்பர்சன் பார்பான் சகவீரருடன் பலமாக மோதியதில், அதிர்வு ஏற்பட்டுள்ளது. இதையடுத்து ஜெப்பர்சன் பார்பான் உடனடியாக மருத்துவமனையில் அனுமதிக்கப்பட்டார் .

முதலில் எடுக்கப்பட்ட சோதனைகள் ஜெப்பர்சன் பார்பானுக்கு சாதமாக வந்த போதும், ஜெப்பர்சன் பார்பான் தொடர்ந்து மருத்துவமனையிலேயே உள்ளார். சில நாட்கள் மருத்துவர்களின் பார்வையில் வைத்து கண்கானிக்க உள்ளனர்.

MOSCOW: Peru's football federation says striker Jefferson Farfan has been hospitalised with head trauma after a hard collision with a teammate during practice at the World Cup.