Pro Kabaddi 2019: தோல்வியில் இருந்து மீண்டு வர மல்லுக்கட்டும் தமிழ் தலைவாஸ், பெங்கால் வாரியர்ஸ்!

ஐபிஎல்., பாணியில் துவங்கப்பட்ட புரோ கபடி லீக், இந்தியாவின் பல்வேறு நகரில் நடக்கிறது. இதில் 8 அணிகள் பங்கேற்கின்றன. இதில் டெல்லியில் நடக்கும் இன்றைய 64வது லீக் போட்டியில் தமிழ் தலைவாஸ் அணி, பெங்கால் வாரியர்ஸ் அணியை எதிர்கொள்கிறது.

மீண்டு வர முயற்சி
தமிழ் தலைவாஸ் அணியை பொறுத்தவரையில் கடந்த போட்டியில் யூ மும்பா அணியிடம் வீழ்ந்தது. அதே போல பெங்கால் வாரியர்ஸ் அணி, ஹரியானா அணியிடம் மண்ணைக்கவ்வியது.


பெங்கால் அணியை பொறுத்த வரையில், தமிழ் தலைவாஸ் அணியை வீழ்த்தி புள்ளிப்பட்டியலில் இரண்டாவது இடத்துக்கு முன்னேற முயற்சிக்கும். அதே நேரம் தமிழ் தலைவாஸ் அணி வெற்றி பெற்றால் ‘டாப்-6’ல் நுழையலாம்.


30 சதவீத வெற்றி
இதுவரை தமிழ் தலைவாஸ் அணி 10 போட்டியில் பங்கேற்று 3 வெற்றி, 5 தோல்வி, 2 டை என 30 சதவீதம் வெற்றி பெற்றுள்ளது. அதேநேரம் பெங்கால் வாரியர்ஸ் 10 போட்டியில் பங்கேற்று 5 வெற்றி, 3 தோல்வி, 2 டை என 50 சதவீதம் வெற்றி பெற்றுள்ளது.