ஒலிம்பிக்ஸ்: அடுத்த சுற்றுக்கு முன்னேறினார் ஆண்டி முர்ரே !

ரியோ: ரியோ ஒலிம்பிக்ஸின் ஆண்கள் ஒற்றையர் பிரிவு முதல் சுற்றில் பிரிட்டனின் ஆண்டி முர்ரே வெற்றி பெற்றார்.

பிரேசிலின் ரியோ நகரில் 31வது ஒலிம்பிக் போட்டிகள் நடக்கிறது. இதன் ஆண்கள் ஒற்றையர் பிரிவு முதல் சுற்றில் பிரிட்டன் வீரர் ஆண்டி முர்ரே, செர்பியாவின் விக்டர் டிரையோக்கியை எதிர்கொண்டார்.

போட்டியின் துவக்கம் முதல் ஆதிக்கம் செலுத்திய ஆண்டி முர்ரே, முதல் செட்டை 6-3 என எளிதாக வென்றார். தொடர்ந்து நடந்த இரண்டாவது செட்டிலும் ஆதிக்கம் செலுத்திய முர்ரே, 6-2 என மிகச்சுலபமாக தன்வசப்படுத்தினார்.

முடிவில், பிரிட்டனின் ஆண்டி முர்ரே, 6-3, 6-2 என்ற நேர் செட்களில் செர்பியாவின் விக்டர் டிரையோக்கியை வீழ்த்தி அடுத்த சுற்றுக்கு முன்னேறினார் .