பிவி சிந்துவுக்கு கார், ஒரு கோடி, நிலம் ரெடி

ரியோ ஒலிம்பிக்கில் பேட்மிண்டன் போட்டியில் இந்தியாவின் பிவி சிந்து வெள்ளிப்பதக்கம் வென்றுள்ளார். இந்தியாவிற்கு பெருமை தேடித்தந்த சிந்துவிற்கு உலகெங்கும் இருந்து வாழ்த்துக்களும், பரிசுகளும் குவிந்து கொண்டிருக்கின்றன. இந்நிலையில், தெலுங்கானா மற்றும் ஆந்திராவில் பேட்மிண்டன் போட்டியில் வெற்றி பெற்ற சிந்துவிற்கு பரிசுகள் ரெடியாக இருக்கின்றன.

ஹைதராபாத்திலிருந்து விஜயவாடா, விஜயவாடாவிலிருந்து விசாகப்பட்டினம் வரையுள்ள கார்பரேட் நிறுவனங்கள், வர்த்தகர்கள் மற்றும் ஜூவல்லரி ஷோரூம்கள் போன்றவை பரிசுகள் வழங்குவதற்கு சிந்துவின் வரவிற்காக காத்திருக்கின்றன.

ஹைதராபாத் பேட்மிண்டன் சங்கத்தின் தலைவர் சாமுண்டேஸ்வர்நாத் சிந்துவின் முதல் பரிசாக பி.எம்.டபிள்யூ கார் வழங்கயிருப்பதாக அறிவித்துள்ளார். கடந்த 2012ம் ஆண்டு நடந்த ஒலிம்பிக் போட்டியில் சாய்னா நேவால் வெள்ளிப்பதக்கம் வென்றதற்காக அவருக்கு பி.எம்.டபிள்யூ கார் பரிசாக வழங்கப்பட்டது.

இதேபோல், தற்போது சிந்துவிற்கும் பி.எம்.டபிள்யூ கார் பரிசாக வழங்கப்படயிருக்கிறது என்று தெரிவித்துள்ளார். இது தொடர்பாக சாமுண்டேஸ்வர்நாத் கூறுகையில், ஒலிம்பிக் போட்டி தொடங்குவதற்கு முன்பு, தெலுங்கானா மற்றும் ஆந்திர பிரதேசத்திலிருந்து யாரெல்லாம் பதக்கம் வெல்கிறார்களோ அவர்களுக்கு பி.எம்.டபிள்யூ கார் பரிசாக வழங்கப்படும் என்று தெரிவித்துள்ளார். மேலும், சாய்னாவுக்கு பி.எம்.டபிள்யூ காரை பரிசாக வழங்குவதற்கு என்னுடைய நண்பர் சச்சின் டெண்டுல்கர், தான் அன்பளிப்பு வழங்கினார். இதேபோல சிந்துவிற்கும் வழங்கயிருப்பதாக தெரிவித்துள்ளார்.

இது தவிர, தெலுங்கானா அரசு ரூ.1 கோடியும், நிலமும் வழங்கயிருப்பதாகவும் தகவல் தெரிவிக்கின்றது. விஜயவாடாவைச் சேர்ந்த ஜூவல்லரி ஷோரூம்கள், சிந்துவை தங்களின் நிறுவனங்களுக்கு விளம்பர தூதுவராக நியமிக்கயிருப்பதாக தெரிவித்துள்ளன. மேலும், ஹைதராபாத்தில் உள்ள பெட்டம்மா கோவில் மற்றும் ஜூபிலி ஹில்ஸ் ஆகிய கோயில்களில் சிறப்பு பூஜையும் நடக்கயிருக்கிறது என்பது குறிப்பிடத்தக்கது.