அசைக்க முடியாத பெல்ப்ஸ் ! ஒலிம்பிக்கில் அடுத்தடுத்து தங்கம் !

ரியோ: ரியோ ஒலிம்பிக்கில் அடுத்ததடுத்து தங்கப்பதக்கத்தை குவித்துவரும் பெல்ப்ஸ், நீச்சல் உலகில் மன்னன் என்பதை மீண்டும் நிரூபித்துள்ளார்.

பிரேசிலின் ரியோ நகரில் 31வது ஒலிம்பிக் போட்டி நடக்கிறது. ஒலிம்பிக் வரலாற்றில் அதிக பதக்கம் வென்ற வீரர் என்ற பெருமைக்கு சொந்தக்காரர் அமெரிக்காவின் மைக்கேல் பெல்ப்ஸ். தனது 4வது ஒலிம்பிக்கில் பங்கேற்கும் இவர், ரியோ ஒலிம்பிக்கில் இதுவரை பங்கேற்ற 200 மீ., பட்டபிளை, 4 * 100 மீ பிஸ்டைல் பிரிவில் என ஏற்கனவே 2 தங்கப்பதக்கத்தை வென்றுள்ளார்.

.@MichaelPhelps is back at it again... #25 pic.twitter.com/SWPIIANQAE— U.S. Olympic Team (@TeamUSA) August 10, 2016

தற்போது இவர் பங்கேற்ற 4* 200 மீ., பிரிஸ்டைல் ரிலே பிரிவில், மீண்டும் ஒரு தங்கத்தை தன் வசப்படுத்தியுள்ளார். இதில் அமெரிக்கா அணி சார்பாக முதலில் நீந்திய கார்னர், 1.45.23 நிமிடங்களில் கடந்தார். பின் பிரான்சிஸ் (1.44.14), ரியான் (1.46.03) ஆகியோர் அடுத்ததடுத்து முன்னிலை கொடுத்தனர். கடைசியாக நீந்திய பெல்ப்ஸ் (1.45.26) தங்கப்பதக்கத்தை உறுதி செய்தார். பந்தய தூரத்தை மொத்தமாக 7.00.66 நிமிடங்களில் கடந்து முதலிடம் பிடித்தது. பிரிட்டன் அணி (7.03.13) இரண்டாவது இடமும், ஜப்பான் அணி (7.03.50) மூன்றாவது இடமும் பிடித்தது.

21வது தங்கம்:
இதன் மூலம் ஒலிம்பிக் அரங்கில் தனது 21வது தங்கத்தை வென்று அசைக்க முடியாத சாதனை படைத்துள்ளார். தவிர, ஒலிம்பிக் அரங்கில் இவர் வெல்லும் 25வது பதக்கமாக அமைந்தது.