ரஜினி பாராட்டியதில் மகிழ்ச்சி..!-சிந்துவின் தாய் நெகிழ்ச்சி

ஒலிம்பிக்கில் வெள்ளிப்பதக்கம் வென்றதற்காக சூப்பர் ஸ்டார் தன் மகளை வாழ்த்தியது மிகவும் பெருமையாக இருப்பதாக பி.வி.சிந்துவின் தாய் தெரிவித்துள்ளார்.

”மிகப்பெரிய நடிகரான சூப்பர் ஸ்டார் ரஜினிகாந்த் என் மகளை வாழ்த்தியுள்ளது எனக்கு மிகவும் மகிழ்ச்சியாக உள்ளது.பல கோடி ரசிகர்களை கொண்டுள்ள அவர் என் மகளுக்கு ரசிகையாகிவிட்டேன் என கூறுவதை நினைத்தால் மிகவும் பெருமையாக இருக்கிறது.உண்மையிலேயே அவரின் ட்வீட்டை பார்த்த போது எனக்கு கண்களில் கண்ணீரே வந்துவிட்டது.”என பி.வி சிந்துவின் தாயார் விஜயா நெகிழ்ச்சியுடன் தெரிவித்துள்ளார்.

விஜயாவாடாவைச் சேர்ந்த அவர், தான் 18 வருடங்கள் சென்னையில் இருந்ததாகவும், தனக்கு தமிழ் நன்றாக தெரியும் எனவும் தெரிவித்துள்ளார்.பி.வி.சிந்துவுக்கும் சில தமிழ் வார்த்தைகள் தெரியுமாம்.தமிழில் பேசினால் புரிந்து கொள்வாராம்.