தீயாக பரவும் பெல்ப்ஸ், ஸ்கூலிங் படம் !

ரியோ: ரியோ ஒலிம்பிக்கில் நீச்சல் மன்னன் பெல்ப்ஸை வீழ்த்திய ஸ்கூலிங் படம் சமூக வலைதளங்களில் தீ போல பரவிவருகிறது.

பிரேசிலின் ரியோ டி ஜெனிரோவில் 31 வது ஒலிம்பிக் போட்டிகள் நடக்கிறது. இதில் அமெரிக்க நீச்சல் மன்னன் மைக்கேல் பெல்ப்ஸ், அடுத்ததடுத்து தங்கப்பதக்கங்களை குவித்து சாதனைக்கு மேல் சாதனை படைத்து வருகிறார்.

தற்போது நடந்த 100 மீ., பட்டர்பிளை பிரிவில் இவரை இரண்டாவது இடத்துக்கு தள்ளி, இவரது தங்கவேட்டைக்கு முட்டுக்கட்டை போட்டுள்ளார், சிங்கப்பூர் வீரர் ஸ்கூலிங். இப்போட்டியின் முடிவுக்கு பின், ஸ்கூலிங் சிறுவனாக கடந்த 2008ல் பெல்ப்சுடன் இருப்பது போன்ற படம் சமூக வலைதளங்களில் தீ போல பரவத்துவங்கியுள்ளது.