இதுதானப்பா விளையாட்டு..!

5000 மீட்டர் ஒட்டப்போட்டியில் கீழே விழுந்த வீராங்கனையை தூக்கிவிட்டது மட்டுமல்லாது,அவரை போட்டி தூரத்தை முழுவதும் கடக்க சக போட்டியாளர் உற்சாகப்படுத்திய சம்பவம் ரியோ ஒலிம்பிக்கில் நடைபெற்றுள்ளது.

நேற்று நடந்த மகளிருக்கான 5000 மீட்டர் ஓட்டப்போட்டியில் இறுதிச்சுற்றுக்கு தகுதி பெற்ற வீராங்கனைகள் கலந்து கொண்டனர்.இவர்களில் அமெரிக்காவின் அபே மற்றும் நியூசிலாந்தின் நிக்கி ஹம்ப்ளின் ஆகிய வீராங்கனைகளும் அடக்கம்.இந்நிலையில் போட்டி தொடங்கி வீராங்கனைகள் ஒரே சீராக அடுத்தடுத்து ஓடிக்கொண்டிருந்த போது,திடீரென நியூசிலாந்து வீராங்கனை நிக்கி ஹம்ப்ளின் இடித்ததில் அமெரிக்க வீராங்கனை அபே தடுக்கி கீழே விழுந்தார்.ஓடி வந்த வேகத்தில் கீழே விழுந்ததால் என்ன நடந்தது என்பதை யூகிக்க முடியாமல் இருந்த அபேவின் தோளை பற்றிய ஒரு கை,அவரை வேகமாக எழுந்திருக்குமாறு கூறியது.

அந்த கை போட்டி பாதுகாவலர்களோ அல்லது அங்கிருந்த நபர்களுடையதோ அல்ல.யார் இடித்து நிக்கி கீழே விழுந்தாரோ,அதே வீராங்கனை ஓடாமல் நின்று நிக்கி எழுந்திருக்க உதவி செய்து கொண்டிருந்தார்.மேலும் ’சீக்கிரம் எழுந்திரு..நாம் போட்டி தூரத்தை முழுவதும் கடக்க வேண்டும்.’எனவும் உற்சாகப்படுத்தியுள்ளார்.

இதை சற்றும் எதிர்பாராத அபே நெகிழ்ச்சியின் உச்சத்திற்கே சென்றுவிட்டார்.அதன்பின்னர் இருவரும் இணைந்து ஓடி,போட்டி தூரத்தை முழுவதும் கடந்தனர்.பதக்கம் வாங்க வேண்டும் என்ற எண்ணத்தை மறந்துவிட்டு சக வீராங்கனைக்கு உதவிய நிக்கியின் செயலை அங்கிருந்த அனைவரும் பாராட்டினர்.உலகின் பல பகுதிகளிலிருந்தும் வீராங்கனைக்கு நிக்கிக்கு வாழ்த்துகள் குவிந்து வருகின்றன.