ஒலிம்பிக்கில் இருந்து வாவ்ரின்கா விலகல் !

ரியோ: ரியோ ஒலிம்பிக்கில் இருந்து சுவிட்சர்லாந்து டென்னிஸ் வீரர் வாவ்ரின்கா காயம் காரணமாக விலகியுள்ளார்.

பிரேசிலின் ரியோ டி ஜெனிரோவில் வரும் 5ல் ஒலிம்பிக் போட்டிகள் துவங்குகிறது. இதன் டென்னிஸ் போட்டிகளில் இருந்து சுவிட்சர்லாந்து வீரரான வாவ்ரின்கா காயம் காரணமாக வெளியேறியுள்ளார். ஏற்கனவே சுவிட்சர்லாந்து வீரர்களான ரோஜர் பெடரர், பெலிண்டா பென்சிக் ஆகியோர் ஒலிம்பிக்கில் இருந்து விலகியுள்ளனர். தற்போது வாவ்ரின்காவும் விலகியுள்ளது அந்நாட்டுக்கு பெரும் பின்னடைவை ஏற்படுத்தியுள்ளது.

இதுகுறித்து வாவ்ரின்கா கூறியது: பீஜிங் (2008), லண்டன் (2012) ஒலிம்பிக் போட்டிகளை தொடர்ந்து, ரியோ செல்ல மிகவும் ஆர்வமாக இருந்தேன். ஆனால் எதிர்பாராதவிதமாக ரியோ போட்டிகளுக்கு செல்ல முடியவில்லை. ஒலிம்பிக்கில் சுவிட்சர்லாந்துக்காக பங்கேற்கும் அனைத்து வீரர்களுக்கும் நான் வாழ்த்து தெரிவித்துக் கொள்கிறேன். இவ்வாறு வாவ்ரின்கா கூறினார்.