உசைன் போல்டின் வேகத்தை மிஞ்ச இன்னும் யாரும் பிறக்க வில்லை

ரியோ : மின்னல் மனிதன் உசைன் போல்ட் ஒலிம்பிக்கில் மீண்டும் ஒருமுறை 100 மீட்டர் ஓட்டப் பந்தயத்தில் முதலிடம் பிடித்து தங்கப்பதக்கத்தை பெற்றுள்ளார்.

மாயி படத்தில் வடிவேலு பெண் பார்க்க சென்ற போது வாமா மின்னல் என பெண்ணை அழைத்ததும் சரட் என இந்தப் பக்கமும், அந்த பக்கமுமாக செல்வதை போல, உலகத்தையே தனது ஓட்டத்தால் கண் இமைக்காமல் பார்க்க வைத்துள்ளார்.

நேற்று நடந்த ஒலிம்பிக் 100 மீட்டர் ஒட்டப்பிரிவில் கலந்து கொண்ட ஜமைக்கா வீரர் உசைன் போல்ட் 9.81 நொடிகளில் கடந்து தனக்கான முதல் இடத்தை பிடித்து ஒலிம்பிக் போட்டிகளில் 3வது முறையாக தங்கப் பதக்கத்தை வென்றார். அவருக்கடுத்தற் போல அமெரிக்காவின் ஜஸ்டின் காட்லின் 9.89 நொடிகளில் இலக்கை அடைந்து இரண்டாம் இடத்தையும், கனடாவின் இளம் வீரர் ஆண்ட்ரீ டி கிராசி 9.91 நொடிகளில் கடந்து வெண்கலப் பதக்கத்தை வென்றனர்.
Thanks for all the support my peeps #blessed #TeamBolt #TeamJamaica #Rio2016 pic.twitter.com/rGFaLH8hP9— Usain St. Leo Bolt (@usainbolt) August 15, 2016
இதே போல், 400 மீட்டர் ஓட்டப்பந்தயத்தில் தென் ஆப்ரிக்க வீரர் வைடி வான் நைகிரர் பந்தய தூரத்தை 43.03 நொடிகளில் கடந்து உலக சாதனையை படைத்துள்ளார். அவர் ஓடிய தகுதிச் சுற்று போட்டிகளில் அவர் முன்பை ஓடியதை விட அதிக வேகமான 43.48 என்ற நொடிகளில் ஓடி தனது சொந்த சாதனையை படைத்திருந்தார். அவரின் சாதனையை ஒலிம்பிக் இறுதிப்போட்டியில் முறியடித்து உலக சாதனையும் படைத்துள்ளார்.

உசைன் போல்ட் 200 மீட்டர் ஒட்டப்பந்தயங்களிலும் 19.19 நொடிகள் என்ற உலக சாதனை நிகழ்த்தியுள்ளார். இதுவரை இந்த சாதனை முறியடிக்கப்படவில்லை. வரும் 30ம் தேதியோடு போல்ட் தடகளத்திலிருந்து ஓய்வு பெற உள்ளார்.

இவர் பங்கு பெற்ற காலங்களில் இவரே மின்னல் வீரர் என்ற பெருமையோடும், இதுவரை இவரை தோற்கடிக்க யாரும் பிறக்க வில்லை.. எதிர்காலத்தில் நிகழ வாய்ப்பு இருக்கலாம் என்ற நிலையில் இவர் விடைபெறுகிறார்.