சிந்துவுக்கு 50 லட்சம் பரிசு !

ரியோ: ரியோ ஒலிம்பிக்கில் வெள்ளிப்பதக்கம் வென்ற இந்திய வீராங்கனை பி.வி.சிந்துவுக்கு ரூ. 50 லட்சம் பரிசாக வழங்கப்படும் என இந்திய பேட்மிண்டன் கூட்டமைப்பு தெரிவித்துள்ளது.

பிரேசிலின் ரியோ நகரில் 31வது ஒலிம்பிக் போட்டிகள் நடக்கிறது. இதன் பெண்கள் ஒற்றையர் பிரிவு பேட்மிண்டன் தொடரில், இந்திய வீராங்கனை பி.வி.சிந்து வெள்ளிப்பதக்கம் வென்று அசத்தினார். இவருக்கு இந்திய பேட்மிண்டன் கூட்டமைப்பு சார்பாக ரூ. 50 லட்சம் பரிசாக வழங்கப்படும் என அகிலேஷ் தாஸ் குப்தா தெரிவித்துள்ளார். தவிர, அவரது பயிற்சியாளர் கோபிசந்துக்கு ரூ. 10 லட்சம் பரிசாக வழங்கப்படும் எனவும் தெரிவிக்கப்பட்டுள்ளது.

இதுகுறித்து அகிலேஷ் தாஸ் குப்தா கூறியது :
ஒலிம்பிக்கில் சிந்து விளையாடிய விதம் பெருமைப்படும் அளவுக்கு இருந்தது. அவர் வெற்றிக்கு போராடிய விதம் மிகவும் மகிழ்ச்சி அளிக்கிறது . அவருக்கு ரூ. 50 லட்சமும், அவரது பயிற்சியாளருக்கு ரு. 10 லட்சமும் பரிசாக வழங்கப்படும்.
இவ்வாறு அகிலேஷ் தாஸ் குப்தா கூறினார்.