ஹாக்கி : ஆஸ்திரேலியாவிடம் வீழ்ந்தது இந்திய பெண்கள் அணி

ரியோ : ஒலிம்பிக் ஹக்கிப் போட்டியில் ஆஸ்திரேலிய பெண்கள் அணி 6 -1 என்ற கணக்கில் இந்திய அணியை வீழ்த்தியது.

பிரேசிலில் நடைபெறும் ஒலிம்பிகில், 5ம் நாளான இன்று, இந்திய பெண்கள் ஹாக்கி அணி ஆஸ்திரேலிய அணியை எதிர்கொண்டது. விறுவிறுப்பாக நடைபெற்ற இப்போட்டியில் இந்திய அணியை 6 -1 என்ற கணக்கில் ஆஸ்திரேலிய அணி வீழ்த்தி வெற்றி பெற்றது.
இந்திய பெண்கள் ஹாக்கி அணி தொடங்கி 36 வருடங்களுக்கு பின் முதல் தடவையாக இந்த ஒலிம்பிக் போட்டியில் விளையாட தகுதி பெற்றது. முதல் ஆட்டத்தில் அசத்தலான திறமையை வெளிப்படுத்திய இந்திய அணி ஜப்பானுக்கு எதிராக 2 -2 என்ற கணக்கில் போட்டி டிராவில் முடிந்தது. தொடர்ந்து இங்கிலாந்துக்கு எதிரான ஆட்டத்தில் 3 - 0 என்ற கணக்கில் இந்திய அணி தோல்வியை தழுவியது.

இங்கிலாந்து, அமெரிக்க அணிகளிடம் தோல்வியை சந்தித்து இருந்த ஆஸ்திரேலிய அணி, இந்திய அணியை வீழ்த்தி வெற்றிக்கணக்கை தொடங்கியுள்ளது.