சிந்துவா நீங்கள் ? ப்ரீயா காத்திருக்கு பீட்சா !

இந்திய வீராங்கனை சிந்துவின் வெற்றியை ‘பீட்சா ஹட்' நிறுவனம் சிறப்பாக கொண்டாட முடிவெடுத்துள்ளது.

பிரேசிலின் ரியோ டி ஜெனிரோ நகரில் 31வது ஒலிம்பிக் போட்டிகள் நடக்கிறது. இதன் பெண்கள் ஒற்றையர் பிரிவு பேட்மிண்டன் தொடரில், இந்தியாவின் சிந்து வெள்ளிப்பதக்கம் வென்று சரித்திர சாதனை படைத்தார். இவரின் வெற்றியை இந்தியா முழுவதும் கொண்டாட பீட்சா ஹட் நிறுவனம் திட்டமிட்டுள்ளது. அதன் படி, இந்தியாவில் சிந்து என்ற பெயர் கொண்ட பெண்களுக்கு இன்று ஒருநாள் மட்டும் இலவசமாக பீட்சா வழங்குப்படுகிறது.

இதேபோல கடந்த முறை இந்தியாவின் மல்யுத்த வீராங்கனை சாக்‌ஷி மாலிக் வெண்கலப்பதக்கம் வென்ற போதும் பீட்சா ஹட் நிறுவனம் இலவசமாக சாக்‌ஷி மாலிக் பெயர் கொண்ட பெண்களுக்கு இலவசமாக பீட்சாக்களை வழங்கியது.

இதுகுறித்து இந்திய பீட்சா ஹட்டின் நிர்வாக இயக்குனரான உனத் வர்மா கூறுகையில், ‘ ரியோ ஒலிம்பிக்கில் இந்தியாவுக்கு கிடைத்த கவுரவத்தை ஊக்குவிக்க எங்களுக்கு கிடைத்த சிறிய வாய்ப்பாக கருதுகிறோம், என்றார்.