ஆசிய மல்யுத்த சாம்பியன்ஷிப்: வெள்ளிப் பதக்கம் வென்றார் சரிதா

ஆசிய மல்யுத்த சாம்பியன்ஷிப் போட்டியில் 58 கிலோ எடைபிரிவில் இந்திய நட்சத்திர வீராங்கனை சரிதா வெள்ளிப்பதக்கம் வென்றார்.

புதுடெல்லியில் நடக்கும் ஆசிய மல்யுத்த சாம்பியன்ஷிப் போட்டியில், பெண்கள் 58 கி.கி., எடைப்பிரிவின் இறுதிப்போட்டியில் இந்திய வீராங்கனை சரிதா, கிர்கிஸ்தானின் டின்பேகோவாவை எதிர்கொண்டார்.

ஆரம்ப முதலே புள்ளிகள் பெறுவதற்கு திணறி வந்த சரிதா கடைசியில் டின்பேகோவாவிடம் 6-0 என்ற புள்ளிக்கணக்கில் தோல்வியை தழுவினார். இதன் மூதம் ஆசிய மல்யுத்த சாம்பியன்ஷிப் போட்டியில் இறுதி வரை சென்று வெள்ளிப் பதக்கம் கைப்பற்றினார்.