உலகக் கோப்பை கால்பந்து அட்டவணை: ரசிகர்களுக்கு உற்சாக அறிவிப்பு!

ஒவ்வொரு கண்டத்தின் சாம்பியன்ஸ் லீக் கோப்பையில் வெற்றி பெற்ற அணிகளுக்கு இடையே நடைபெறும் ஃபிஃபா கிளப் உலக கோப்பைக்கான அட்டவணை வெளியிடப்பட்டுள்ளது.

கத்தார் தேசத்தில் 2020ஆம் நடைபெறவிருந்த ஃபிஃபா கிளப் உலக கோப்பை கொரோனா காலம் காரணமாக 2021 ஆம் ஆண்டு ஒத்திவைக்கப்பட்டது, அதன்படி வருகின்ற பிப்ரவரி மாதம் 4-ஆம் தேதி முதல் 11ஆம் தேதி வரை ஃபிஃபா கிளப் உலக கோப்பை நடைபெறும் என்று அறிவிக்கப்பட்டுள்ளது.

தென் அமெரிக்காவின் கோப்பா லிபர்டெடோரஸ்ஸின் இறுதிப் போட்டி வருகின்ற ஜனவரி மாதம் 31ஆம் தேதி நடைபெறுகிறது, இதில் சாண்டோஸ் அணியும் பல்மிராஸ் அணியும் மோதுகின்றன. இதில் வெற்றி பெறும் அணி நேரடியாக ஃபிஃபா கிளப் உலக கோப்பை அரையிறுதிக்கு தேர்வு ஆகிவிடுவார்கள். ஐரோப்பா கண்டத்தின் சாம்பியன்ஸ் லீக் கோப்பை வென்ற ஜெர்மனி நாட்டின் பேயர்ன் மியூனிக் நேரடியாக அரையிறுதிக்கு முன்னேறிவிட்டது.
இதற்குமேல் என்ன வேண்டும்? சாதித்துவிட்டோம்: ரவி சாஸ்திரி உருக்கம்!
முதலாம் காலிறுதிப் போட்டியில் மெக்சிகோ நாட்டைச் சேர்ந்த டைகர்ஸ் அணியும் தென் கொரியாவைச் சேர்ந்த உள்சால் ஹூண்டாய் அணியும் வருகின்றனர் இதில் வெற்றி பெறுபவர்களும், கோப்பா லிபர்டெடோரஸ்ஸில் வெற்றி பெறுபவர்களும் அரைஇறுதியில் மோதுவார்கள். மற்றொரு காலிறுதியில் கத்தார் நாட்டைச் சேர்ந்த அல் டுகெல் அணியும், எகிப்து நாட்டைச் சேர்ந்த அல் அலி அணியும் மோதுகின்றனர், இதில் வெற்றி பெறும் அணி அரையிறுதியில் பேயர்ன் மியூனிக்கை சந்திக்கும்.
மொரிசியோ அசத்தலான ஆட்டம்: சமமான ஆட்டம் சமனில் முடிந்தது!
ஃபிஃபா கிளப் உலக கோப்பையின் காலிறுதி ஆட்டம் பிப்ரவரி 4ஆம் தேதியும், அரையிறுதி ஆட்டங்கள் பிப்ரவரி மாதம் 7ஆம் தேதி மற்றும் 8ஆம் தேதி நடைபெறும் என்றும், இறுதி ஆட்டம் பிப்ரவரி மாதம் 11ஆம் தேதி நடைபெறும் என்றும் அறிவித்துள்ளனர்.