துவக்க விழா இல்லாமல் துவங்கும் பிபா உலகக்கோப்பை!

புதுடெல்லி: இந்தியா, அமெரிக்கா அணிகள் மோதும் 17 வயதுக்கு உட்பட்டோருக்கான கால்பந்து உலகக்கோப்பை போட்டிக்கு முன் துவக்க விழா நடக்காது என பிபா அறிவித்துள்ளது.

இந்தியாவில் இன்று முதல் சர்வதேச கால்பந்து கூட்டமைப்பு (பிபா) நடத்தும் 17 வயதுக்கு உட்பட்டோருக்கான கால்பந்து உலகக் கோப்பை தொடர் நடக்கவுள்ளது. இதில் இந்திய அணி உட்பட சுமார் 24 சர்வதேச அணிகள் பங்கேற்கிறது.

இப்போட்டிகள் கொல்கத்தா, டெல்லி, கவுகாத்தி, நவி மும்பை, மார்கோ, கொச்சி என 6 நகரங்களில் நடக்கவுள்ளது. ஒவ்வொரு பிரிவுக்கும் 6 அணிகள் என நான்கு பிரிவுகளாக லீக் போட்டிகள் நடக்கும். இதன் முடிவில், ஒவ்வொரு பிரிவிலும் முதல் இரண்டு இடங்களை பிடிக்கும் அணி, நாக் - அவுட் சுற்றுக்கு முன்னேறும்.

நாக் - அவுட் போட்டிகளில் வெற்றி பெறும் அணி காலிறுதிக்கு தகுதி பெறும். அதில் வெல்லும் அணிகள் அரையிறுதிக்கு முன்னேறும். பின் அரையிறுதியில் வெற்றி பெறும் அணிகள் பைனலுக்கு செல்லும். தோல்வியடையும் அணிகள் மூன்றாவது இடத்துக்கான போட்டிக்கு செல்லும்.

இந்த உலகக்கோப்பை போட்டிகள் இந்திய கால்பந்து அரங்கில் ஒரு புதிய வரலாறாக இருக்கும் என்பதில் சந்தேகமில்லை. இன்று நடக்கும் இரண்டாவது லீக் போட்டியில் இந்திய அணி, அமெரிக்காவை எதிர்கொள்கிறது.

இப்போட்டியை காண ரசிகர்கள் ஆர்வமாக உள்ள நிலையில் இப்போட்டிக்கு முன்னாதாக எந்த துவக்க விழாவும் நடத்தப்படவில்லை.

இதுகுறித்து பிபா தலைமை அதிகாரி கூறுகையில்,’ இந்திய அரசுடன் சேர்ந்து இந்த உலகக்கோப்பை தொடரை வெற்றியாக மாற்றுவதே முதல் இலக்கு. அதனால் போட்டிகள் மற்றும் வீரர்களின் மீதே அதிககவனம் செலுத்த திட்டமிட்டுள்ளோம். அதனால் துவக்க விழா மிகப்பெரிய விஷயமல்ல.’ என்றார்.

New Delhi: Indian football will script a new chapter in its history as FIFA World Cup gets underway in national capital on Friday evening.