லியோனல் மெஸ்ஸி
பலரால் கால்பந்து வரலாற்றிலேயே மிகச்சிறந்த வீரரென போற்றப்படுபவர் லியோனல் மெஸ்ஸி. சென்ற ஆண்டு ஆகஸ்ட் மாதம் அவர் இருக்கும் பார்சிலோனா அணியின் நிர்வாகத்திடம் ஏற்ப்பட்ட கருத்து வேறுபாட்டின் காரணமாக அவரை வேறு அணிக்கு விற்றுவிடுமாரு வேண்டுகோள் விடுத்தார், இதை மறுத்த அன்றைய பார்சிலோனா அணியின் தலைவர் பார்டோமேயு 2020-21 சீசன் மெஸ்ஸி பார்சிலோனா அணியில் தான் விளையாடுவார் என்று அறிவித்தார். இதனால் வேறுவழி இல்லாமல் மெஸ்ஸி பார்சிலோனாவில் தொடர்ந்தார்.
மெஸ்ஸியின் அதிருப்தி இண்ணும் தொடர்கிறது எனவே அவர் இதற்க்கு மேல் பார்சிலோனாவில் தொடர்வது சந்தேகமே. மெஸ்ஸியின் தரத்திற்கு உலகத்தில் ஒரு சில அணிகள் மட்டுமே உள்ளன அதிலும் அவரது சம்பளம் மிக அதிகமாக இருப்பதால் மூன்று அல்லது நான்கு அணிகள் மாத்திரம் அவரை பெற்றுகொள்ள முடியும். பிஎஸ்ஜி, மான்செஸ்டர் சிட்டி, செல்சீ, யுவெண்டஸ் ஆகிய அணிகள் மாத்திரம் அவரை பெற முடியும். இவற்றில் ஒருவரே மெஸ்ஸியை வாங்கக்கூடும். இதிலும் பிஎஸ்ஜி அணியில் மெஸ்ஸியின் நண்பர் நெய்மார் இருப்பது அவர்களுக்கு ஒரு பெரிய ஹெட்ஸ்டார்ட்டாக இருக்கும். இவர் எங்கு சென்றாலும் சிறப்பாக ஆடுவார் என்பதில் சந்தேகமே இல்லை.
செர்ஜியோ ராமோஸ்
ராமோஸ் இல்லாத மாட்ரிட் அணி தலைவரில்லாத படைபோல உருக்குலைந்து காணப்படும், உலகின் எந்த அணிக்கு போனாலும் அந்த அணியை பலமடங்கு வழுபடுத்துவார் ராமோஸ், இவரை ஒரு பைசா செலவு இல்லாமல் அணியில் இணைத்துக்கொள்ளலாம் என்பது பல அணிகளுக்கு ஒரு வரபிரசாதம். பல அணிகள் தடுப்பாட்டத்தில் கோட்டை விட இந்நேரத்தில் ராமோஸ் போன்று ஒருவர் கிடைப்பதை சரியாக பயன்படுத்திக்கொள்ள கூடும்.
மான்செஸ்டர் யுனைடெடில் இணைந்த டியாலோ, பெனர்பசே செல்கிறாரா ஓசில்?
குறிப்பாக பிஎஸ்ஜி, மான்செஸ்டர் யுனைடெட், செல்சீ, லிவர்பூல், பேயர்ன் முனிச் போன்ற அணிகள் இவரை பெறக்கூடும், ஏனெனில் இந்த அணி அனைத்திற்கும் தடுப்பாட்டம் ஒரு பெரிய பிரச்சனையாக இருக்கிறது. ராமோஸ் எந்த அணியில் இணைந்தாலும் அந்த லீக்கின் போக்கையே மாற்றி அமைப்பார். 34 வயதான இவர் சமீபகாலமாக காயத்தால் அவதிப்பட்டு வருகிறார் எனவே இவரது ஆட்டத்தின் தரம் சற்று பாதிக்கப்பட்டிருக்கக்கூடும்.
டேவிட் அலாபா
ராமோஸ் போலவே அலாபாவும் ஒரு தடுப்பாட்டக்காரர், இவர் ஜெர்மன் நாட்டின் பேயர்ன் அணிக்காக விளையாடி வருகிறார். வெறும் 28 வயதே ஆன இவர் நடுக்கலதிலும் சிறப்பாக ஆடுபவர், இவரை போன்று ஒருவர் அணியில் இருப்பதன் மூலம் பலபிரசனைகளை தவிர்க்கலாம், தடுப்பாட்டம், நடுக்களாட்டம், பக்கவாட்டு என பல ஓட்டைகளை இவர் அடைப்பார். உலகத்தின் அனைத்து முன்னணி அணிகளும் இவருடன் ஒப்பந்தம் போட கழுகை போல காத்துக்கொண்டிருக்கின்றனர். ராமோஸ்சை இழக்கவிருக்கும் ரியல் மாட்ரிட் அணி இவரை பெறக்கூடும். இவரது சம்பளம் அதிகமாக இருப்பதால் ஒருசில அணிகள் மட்டுமே இவரை பெறக்கூடும்.
செர்ஜியோ அக்வெரோ
மான்செஸ்டர் சிட்டி அணியின் வரலாற்றின் அதிக கோல் அடித்த வீரர் இலவசமாக பேரமுடியம் என்றால் யார்தான் வேண்டாம் என்று சொல்லுவார், தனது வாழ்கையில் 350க்கும் மேற்பட்ட கோல்கலை அடித்த இவர் ஆரம்பகாலத்தில் இருந்து காயம் இவரோடே கூடவந்துகொண்டிருக்கிறது, இருப்பினும் அவரது ஆட்டத்தில் குரையேதுவும் காணப்படாது. காயத்தின் காரணமாக இவரால் அனைத்து ஆட்டங்களிலும் பங்குபெற இயலாது இது இவரிடம் இருக்கும் ஒரு பெரிய குறை. இவரை மட்டும் நம்பி ஒரு அணி அந்த சீசனை எதிர்கொள்வது கத்தியில் நடப்பதுபோன்றது. ஆனால் அவர் அணியை பெரிதும் பலப்படுத்துவார் என்பதில் எந்த ஒரு சந்தேகமும் இல்லை.
லூக்கா மாட்ரிச்
2018ஆம் ஆண்டிற்கான சிறந்த வீரருக்கான பலூன் டி'ஆர் விருது பெற்ற மாட்ரிச் இந்த ஜூன் மாதத்தில் இலவசமாக சந்தைக்கு வருகிறார். இன்றைய கால்பந்து உலகின் தலைசிறந்த நடுகள வீரர்களுள் மாட்ரிச்சும் ஒருவர். இவர் கொடுக்கும் பாஸ் ஒவ்வொன்றும் துல்லியமாக அணியின் வீரர்களை போய் சேரும். 35 வயதான இவர் இன்னும் ஓரிரு ஆண்டுகள் மட்டுமே விளையாடுவார் எனினும் இவர் விளையாடும் ஒவ்வொரு நிமிடமும் அணிக்கு லாபம்தானே நஷ்டம் எதுவும் இல்லை. இவர் இத்தாலியில் எதேனும் ஒரு அணியில் இணாயக்கூடும் குறிப்பாக இவரது நெருங்கிய நண்பர் ரொனால்டோ ஆடும் யுவெண்டஸ் அணியில் இணயக்கூடும்