Hockey World Cup Ceremony: புவனேஸ்வரில் இன்று தொடங்குகிறது ஆண்கள் ஹாக்கி உலகக்கோப்பை

14வது ஆண்கள் ஹாக்கி உலகக்கோப்பை ஒடிசா மாநிலம் புவனேஸ்வரில் உள்ள கலிங்கா மைதானத்தில் இன்று மாலை தொடங்குகிறது. இதற்காக கலை நிகழ்ச்சிகளுக்கு ஏற்பாடு செய்யப்பட்டுள்ளது.

அதில் பாலிவுட் நடிகர் ஷாருக்கான், மாதுரி தீக்‌ஷித், இசையமைப்பாளர் ஏ ஆர் ரகுமான் ஆகியோர் கலந்து கொள்கின்றனர். அவர்களுடன் 1,100 கலைஞர்களும் பங்கேற்க உள்ளனர். நடப்பாண்டின் ஹாக்கி உலகக்கோப்பை தொடரில் 16 அணிகள் பங்கேற்கின்றன.

அவை 4 குழுக்களாக பிரிக்கப்பட்டுள்ளன. இந்திய அணி சி பிரிவில் இடம்பெற்றுள்ளது. இந்தப் பிரிவில் பெல்ஜியம், கனடா, தென் ஆப்பிரிக்கா ஆகிய அணிகள் இருக்கின்றன.

இரண்டு முறை சாம்பியன் பட்டம் வென்ற ஆஸ்திரேலியா பி பிரிவில் இடம்பெற்றுள்ளது. பாகிஸ்தான் அணி டி பிரிவில் இருக்கிறது. நாளை இரவு 7 மணிக்கு நடைபெறும் முதல் உலகக்கோப்பை போட்டியில் இந்திய, தென் ஆப்பிரிக்க அணிகள் மோதுகின்றன.