சுல்தான் அஸ்லான் ஷா ஹாக்கி: இறுதி போட்டிக்கு இந்தியா தகுதி

இபோ: சுல்தான் அஸ்லான் ஷா ஹாக்கி தொடரில் இன்று மலேசிய அணியை 6-1 என்ற கோல் கணக்கில் வெற்றி பெற்ற இந்திய ஹாக்கி அணி, சுல்தான் அஸ்லான் ஷா ஹாக்கி தொடரின் இறுதி போட்டிக்கு தகுதி பெற்றது.

இன்றைய ஆட்டத்தில் ரமன்தீப் சிங் மிக சிறப்பாக விளையாடி இரண்டு கோல்களை அடித்தார். திம்மையா, ஹர்ஜீத் சிங், டனிஷ் முஸ்தபா மற்றும் தல்விந்தர் சிங் ஆகியோர் தலா ஒரு கோல் அடித்தனர். மலேசிய தரப்பில் ஷஹாரில் ஒரு கோல் அடித்தார்.

இன்றைய வெற்றியின் மூலம் அணிகள் பட்டியலில் 12 புள்ளிகளுடன் இந்தியா இரண்டாம் இடத்தை பிடித்தது. 18 புள்ளிகளுடன் ஆஸ்திரேலியா முதலிடத்தில் உள்ளது. நாளை மாலையில் நடக்கும் இறுதியாட்டத்தில் இந்தியா மற்றும் ஆஸ்திரேலியா அணிகள் மோதவுள்ளன.

Hockey: India beat Malaysia 6-1 to enter final of #SultanAzlanShahCup— ANI (@ANI_news) April 15, 2016