India vs South Africa: தென் ஆப்ரிக்காவை தெறிக்க விடுமா இந்தியா? : உலகக்கோப்பையில் இன்று மோதல்!

புவனேஷ்வரில், ஆண்களுக்கான உலகக்கோப்பை ஹாக்கி தொடர் இன்று துவங்கி வரும் டிசம்பர் 16 வரை நடக்கவுள்ளது. இதில் 16 அணிகள் பங்கேற்கவுள்ளன. 19 நாட்கள் நடக்கும் உலகக்கோப்பையில், பங்கேற்கும் அணிகள் 4 பிரிவுகளாக பிரிக்கப்பட்டு, ஒவ்வொரு பிரிவிலும் 4 அணிகள் இடம் பெற்றுள்ளன.

ஹாக்கி தரவரிசையில் 5வது இடத்தில் உள்ள இந்திய அணி, ‘சி’ பிரிவில் ரியோ ஒலிம்பிக்கில் இரண்டாவது இடம் பிடித்த பெல்ஜியம், கனடா, தென் ஆப்ரிக்கா அணிகளுடன் இடம் பெற்றுள்ளது.
இதில் ஒவ்வொரு பிரிவிலும் முதல் இடம் பிடிக்கும் அணிகள் நேரடியாக காலிறுதிக்கு தகுதி பெறும், இரண்டாவது, மூன்றாவது இடம் பிரிக்கும் அணிகள் குறுக்கு போட்டிகளில் பங்கேற்று கடைசி எட்டு அணிகளில் இடம் பிடிக்கும். கடைசி இடம் பிடிக்கும் அணிகள் தொடரில் இருந்து வெளியேறும்.

யார் ஆதிக்கம்?
இந்நிலையில் இன்றைய பிரிவு - சி போட்டிகளில் இந்தியா - தென் ஆப்ரிக்கா அணிகள் மோதுகின்றன. இந்நிலையில் தென் ஆப்ரிக்கா அணிக்கு எதிராக இந்திய அணியின் ஆதிக்கம் அதிகம் இருந்தாலும், ஹாக்கி போட்டியை பொறுத்த வரையில் எப்போது வேண்டுமானலும் போட்டியின் முடிவு மாறலாம் என்பதால், இந்திய அணி எச்சரிக்கையுடன் செயல்படுவது அவசியமாகும்.