33 ஆண்டுகளுக்கு பின் சாதித்த இந்திய அணி!

பெங்களுரு: வரும் 2019ல் நடக்கவுள்ள ஆசிய கோப்பை கால்பந்து தொடருக்கான தகுதிச்சுற்று போட்டியில் இந்திய அணி, மக்காவு அணியை 4-1 என்ற கோல் கணக்கில் வீழ்த்தியது.

வரும் 2019ல் ஐக்கிய அரபு எமிரேட்சில், ஆசிய கோப்பை கால்பந்து தொடர் நடக்கவுள்ளது. இதற்கான தகுதிச்சுற்று போட்டியில், இந்திய அணி, மக்காவு அணியை எதிர்கொண்டது.

இதில் துவக்கம் முதல் இந்திய வீரர்களின் ஆதிக்கம் அதிகம் இருந்தது. இதில் இந்திய அணிக்கு 28வது நிமிடத்தில் ராவ்லின் போர்ஜஸ் அடித்தார். இதற்கு மக்காவு வீரர் நிகோலஸ் (37வது நிமிடம்) பதிலடி கொடுக்க, முதல் பாதியின் முடிவில், இரு அணிகளும் 1-1 என சமநிலை வகித்தது.

பின் பரபரப்பாக துவங்கிய இரண்டாவது பாதியில் இந்திய அணிக்கு கேப்டன் சுனில் சேத்ரி (60) ஒரு கோல் அடிக்க இந்தியா முன்னிலை பெற்றது. இந்நிலையில் 70வது நிமிடத்தில் மக்காவு வீரர் ஓன் கோல் அடித்தார். இதையடுத்து இந்திய அணி வலுவான முன்னிலை பெற்றது. போட்டியின் கடைசி நிமிடத்தில் இந்திய வீரர் ஜிஜி (90+2) மேலும் ஒரு கோல் அடிக்க இந்திய அணியின் வெற்றி உறுதியானது.

இறுதியில், இந்திய அணி 4-1 என்ற கோல் கணக்கில் மக்காவு அணியை வீழ்த்தி 4வது முறையாக ஆசிய கோப்பை கால்பந்து தொடருக்கு முன்னேறியது.


Rowllin Borges' goal that gave India the lead. Potent strike.#BackTheBlue #AsianDream #MissionMacau #INDvMAC Source: Hotstar pic.twitter.com/L8XYc6ziF2 — Indian Football Team (@IndianFootball) October 11, 2017 33 ஆண்டுகளுக்கு பின்:
கடைசியாக இந்திய அணி இத்தொடருக்கு கடந்த 2011ல் தகுதி பெற்றது. இந்த ஆசிய கோப்பை தொடரில் இந்திய அணி கடந்த 1964ல் சிறந்த முடிவாக இரண்டாவது இடம் பிடித்தது.

* தவிர, சுமார் 33 ஆண்டுகளுக்கு பின், ஆசிய கோப்பை கால்பந்து தொடருக்கு இந்திய அணி நேரடியாக தகுதி பெற்றது. கடைசியாக இந்திய அணி இத்தொடருக்கு கடந்த 1984ல் நேரடியாக தகுதி பெற்றது. அதன்பின் தற்போது தான் நேரடியாக தகுதி பெற்றுள்ளது.


2019 AFC Asian Cup Qualifiers: India vs Macau Football Live Score