ஹங்கேரி கிராண்ட் ப்ரிக்சில் லெவிஸ் ஹாமில்டன் வெற்றி

உலக சாம்பியன்ஷிப் போட்டியின் ஹங்கேரி கிராண்ட் ப்ரிக்ஸில் மெர்சிடஸ் அணி வீரர் லெவிஸ் ஹாமில்டன் வெற்றி பெற்றுள்ளார்.

நடப்பாண்டிற்கான பார்முலா ஒன் உலக சாம்பியன்ஷிப் போட்டிகள் 21 சுற்றுகளாக நடைபெற்று வருகிறது. இதில் 11வது சுற்று போட்டியான ஹங்கேரி கிராண்ட் ப்ரிக்ஸ் நேற்று நடைபெற்றது. இதில் நிகோ ரோஸ்பெர்க் முதலிடத்தில் இருந்து புறப்பட்டார்.

இந்த போட்டியில் 191 மைல் தூரத்தை 70 சுற்றுகளில் நிறைவு செய்ய வேண்டும். இதனை மெர்சிடஸ் அணி வீரர் லெவிஸ் ஹாமில்டன் ஒரு மணி நேரம் 24 நிமிடங்கள் 684 வினாடிகளில் கடந்து முதலிடத்தை பிடித்தார். நிகோ ரோஸ்பெர்க் ஒரு மணி நேரம் 24 நிமிடங்கள் 594 வினாடிகளில் கடந்து 2வது இடத்தை பிடித்தார்.

இதுவரை நடைபெற்ற சுற்றுகளின் புள்ளிகள் அடிப்படையில் ரோஸ்பெர்க் முதலிடத்தில் இருந்தார். ஆனால் ஹங்கேரி கிராண்ட் பிரிக்ஸில் 192 புள்ளிகள் பெற்றதன் மூலம் ஹாமில்டன் முதலிடத்தை பிடித்தார். இதனால் ரோஸ்பெர்க் 186 புள்ளிகளுடன் 2வது இடத்தில் உள்ளார்.