ஹைதராபாத் அணியின் மேலாளருக்கு இரண்டு ஆண்டுகள் ஒப்பந்தம் நீட்டிப்பு

கடந்த ஆண்டு ஹைதராபாத் அணியின் மேலாளராக நியமிக்கப்பட்ட மொனோலோ மார்கெஸ், ஹைதராபாத் அணிக்கு புத்துயிர் கொடுத்து புள்ளி பட்டியலில் நான்காம் இடத்திற்கு முன்னேற செய்துள்ளார்.

சென்ற சீசனில் துவங்கப்பட்ட ஹைதராபாத் அணி மிக மோசமான ஆட்டத்தை வெளிப்படுத்திய காரணத்தால் சென்ற சீசனை பத்தாம் இடத்தில் முடித்தது. அதைத்தொடர்ந்து மொனோலோ மார்கெஸ் ஹைதராபாத் அணியின் மேலாளராக கடந்த ஆகஸ்ட் மாதம் பணியமர்த்தப்பட்டார், இந்த ஆண்டு ஹைதராபாத் அணியில் சிறப்பாக செயல்பட்டு வருவதால் அவருக்கு மேலும் 2 ஆண்டுகள் ஹைதராபாத் அணியில் ஒப்பந்தம் நீட்டிக்கப்பட்டுள்ளது.

சென்ற சீசனில் 10வது இடத்தில் இருந்து அணியை ஒரே சீசனில் நான்காம் இடத்திற்கு அழைத்துச் சென்று இம்முறை பிளே ஆஃப் சுற்றுக்கு முன்னேறச் செய்ய சிறப்பான முறையில் அணியை வழிநடத்தி செல்கிறார். கடந்த 8 ஆட்டங்களாக தோல்வியை தழுவாத ஹைதராபாத் அணி 16 ஆட்டங்களில்புள்ளிகளுடன் 4-வது இடத்தில் இருக்கின்றது, மேலும் தொடர்ந்து எஞ்சியுள்ள 4 ஆட்டங்களில் சிறப்பான ஆட்டத்தை வெளிப்படுத்தும் பட்சத்தில் நடப்பு சீசனில் நிச்சயம் அரையிறுதி சுற்றுக்கு முன்னேறி விடுவார்கள்.
நடராஜனை உடனே நீக்குங்க: பிசிசிஐயின் கோரிக்கை எதுக்கு, யாருக்குனு தெரியுமா?
மேலாளராக பதவியேற்ற முதல் சீசனிலேயே கடுமையான முன்னேற்றத்தை காட்டிய மொனோலோ மார்கெஸ் மீண்டும் இரண்டு ஆண்டுகள் ஹைதராபாத் அணிக்கு மேலாளராக செயல்பட்டால் நிச்சயம் கோப்பையை நோக்கி அழைத்துச் செல்வார் என்று ரசிகர்கள் கொண்டாடி வருகின்றனர்.