ஆசியன் சாம்பியன்ஸ் டிரோபி ஹாக்கி: ஓமனை ஓட ஓட அடித்து பெரிய வெற்றி பெற்ற இந்தியா

ஆசியன் சாம்பியன்ஸ் டிரோபி ஹாக்கித் தொடர் ஓமனை 11-0 என்ற கணக்கில் இந்தியா வென்றுள்ளது.

ஆசியன் சாம்பியன்ஸ் டிரோபி ஹாக்கி தொடர் ஓமன் நாட்டின் சுல்தான் கபோஸ் விளையாட்டு வளாகத்தில் நடைப்பெற்று வருகின்றது.

இதில் இந்தியா, மலேசியா, பாகிஸ்தான், தென் கொரியா, ஜப்பான், ஓமன் ஆகிய அணிகள் பங்கேற்கின்றன.

இதன் முதல் போட்டியில் மலேசியா - ஜப்பான் அணிகள் மோதின. இதில் மலேசியா 3-0 என்ற கோல் கணக்கில் ஜப்பானை வீழ்த்தியது.

தொடர்ந்து 2வது போட்டியில் இந்தியா போட்டியை நடத்தும் ஓமனை எதிர்கொண்டது. இதில் இந்தியா 11 - 0 என்ற கோல் கணக்கில் அற்புதமாக வென்றது. இந்திய அணியின் ஆகாஷ்தீப் ஹாட்ரிக் கோல் அடித்து அசத்தினார்.


இந்திய அணி வரும் சனிக்கிழமை பாகிஸ்தான் அணியை எதிர்க் கொள்ள உள்ளது.