புரோ கபடி லீக்: டெல்லியை வீழ்த்தி மும்பைக்கு 8வது வெற்றி!

டெல்லி: டெல்லி அணியை வீழ்த்தி, மும்பை அணி தனது 8வது வெற்றியை பதிவு செய்துள்ளது.

புரோ கபடி லீக்கின் 5வது தொடர் நடைபெற்று வருகிறது. இதில் 12 அணிகள் பங்கேற்று விளையாடி வருகின்றன.

இந்நிலையில் டெல்லியில் நேற்று இரவு 89வது புரோ லீக் போட்டி நடைபெற்றது. அதில் டெல்லி - மும்பை அணிகள் மோதின.

டெல்லி தியாகராஜ் ஸ்போர்ட்ஸ் காப்ளக்ஸில் நடைபெற்ற போட்டியில், இரு அணிகளும் சிறப்பாக விளையாடின.

இறுதியில் 28-30 என்ற புள்ளிகள் கணக்கில் மும்பை அணி வெற்றி பெற்றது. இது மும்பை அணி பெறும் 8வது வெற்றி ஆகும்.

ஏ பிரிவில் 56 புள்ளிகளுடன் குஜராத் அணியும், பி பிரிவில் 60 புள்ளிகளுடன் பாட்னா அணியும் முதலிடத்தில் உள்ளன.

Mumbai beats Delhi in Pro Kabaddi League.