​ ஒலிம்பிக் ஆண்கள் ஹாக்கி: இந்தியா - அர்ஜென்டினா இன்று மோதல்

ரியோ ஒலிம்பிக் ஆண்கள் ஹாக்கி போட்டி ,பி பிரிவில் இந்தியா , அர்ஜென்டினா அணிகள் இன்று மாலை 7.30 மணி அளவில் மோதவுள்ளனர்.

ஒலிம்பிக் ஆண்கள் ஹாக்கியில் இந்தியா,ஜெர்மனி, நெதர்லாந்து, அர்ஜெண்டினா, கனடா ஆகிய அணிகள் பி பிரிவில் இடம்பெற்றுள்ளனர். லீக் சுற்றில் முதல் நான்கு இடம் பெறும் அணிகள் கால் இறுதி சுற்றுக்கு தகுதி பெறும்.


கடந்த சனிக்கிழமை தனது முதல் ஆட்டத்தில் அயர்லாந்தை எதிர்கொண்ட இந்திய ஹாக்கி அணி 3-2 என்ற கோல் கணக்கில் வெற்றி பெற்றது. இந்தநிலையில் இந்திய ஆண்கள் ஹாக்கி அணி லீக் சுற்றில் தனது இரண்டாவது ஆட்டத்தில் ஜெர்மனி அணியுடன் நேற்று மோதிய ஆட்டத்தில் 2-1 என்ற கோல்கணக்கில் தோல்வி அடைந்தது.

இன்று நடை பெறும் போட்டியில் இந்திய அணி அர்ஜென்டினாவுடன் மோதவுள்ளது.

ஆண்கள் ஹாக்கி பி பிரிவில் ஆறு புள்ளிகளுடன் ஜெர்மனி முதல் இடத்திலும், நான்கு புள்ளிகளுடன் நெதர்லாந்து இரண்டாவது இடத்திலும், மூன்று புள்ளிகளுடன் இந்தியா மூன்றாவது இடத்திலும் உள்ளது.