ஜீரோ கிராவிட்டியிலும் நான் தான் மாஸ் – உசேன் போல்ட்டின் வைரல் வீடியோ

உலகின் வேகமான மனிதா் என்று அழைக்கப்படும் உசேன் போல்ட் ஜீலோ கிராவிட்டி உள்ள இடத்திலும் நான் தான் வேகமான மனிதன் என்று நிரூபித்துள்ளாா்.

ஜமைக்காவின் தடகள நாயகன் உசேன் போல்ட் குறித்து யாருக்கும் சொல்லி தெரியவேண்டியதில்லை. உலகின் வேகமான மனிதர் என்ற பெயருக்கு சொந்தக்காரரான போல்ட் 100 மீ., 200 மீ. ஓட்டப்பந்தயங்களில் பல்வேறு சாதனைகளை நிகழ்த்தியுள்ளாா். ஒலிம்பிக்கில் உசேன் போல்ட் 9 தங்கப்பதக்கங்களை கைப்பற்றியுள்ளாா்.

இவா் நேற்று பிரான்சில் ஏர்பஸ் எ310 ரக ஜீலோ கிராவிட்டி விமானத்தில் பயணம் செய்தாா். இந்த விமானமானது கிராவிட்டி இல்லாதது போன்ற செயற்கை சூழலை உண்டாக்கவல்லது. இது உண்மையாக விண்வெளியில் இருப்பதை போன்ற ஜீரோ கிராவிட்டி கிடையாது.


ஆனால் கிராவிட்டி மிகக் குறைந்த அளிவில் தான் இருக்கும். இதில் மகிழ்ச்சியாக பயணம் செய்த உசேன் போல்ட், அங்கிருந்தவா்கள் விளையாட்டாக விடுத்த சவாலை ஏற்று ஜீலோ கிராவிட்டியில் ஒரு சிறிய ஓட்டப்பந்தயத்தில் பங்கு பெற்றாா். இந்த பந்தயத்திலும் போல்ட் வெற்றி பெற்று நான் தான் சாம்பியன் என்பதை உறுதிப்படுத்தினாா். மேலும் இதனை போல்ட் வீடியோவாக பதிவு செய்து சமூக வலைதளத்தில் வெளியிட்டுள்ளாா்.