Pro Kabaddi 2019 : தமிழ் தலைவாஸை தாக்கு பிடிக்குமா பாட்னா பைரேட்ஸ்

புரோ கபடி 2019 தொடரின் இன்றைய போட்டியில் தமிழ் தலைவாஸ் - பாட்னா பைரேட்ஸ் அணிகள் மோத உள்ளன.

தமிழனின் பாரம்பரிய விளையாட்டுகளில் ஒன்றான கபடிப் போட்டி, தற்போது புரோ கபடி என இந்திய அளவில் ஒரு மிகப்பெரிய தொடராக விளையாடப்பட்டு வருகின்றது.

யார் கெத்து?
இந்த தொடரில் மொத்தம் 8 அணிகள் விளையாடுகின்றன. அதில் தமிழ் தலைவாஸ் அணி இதுவரை 2 போட்டிகளில் விளையாடி ஒன்றில் வெற்றி பெற்றுள்ளது. ஒரு போட்டியில் ஒரு புள்ளி வித்தியாசத்தில் வெற்றியை கோட்டை விட்டது.

அதே போல் பாட்னா பைரேட்ஸ் அணியும் இரண்டு போட்டியில் விளையாடி ஒன்றில் வெற்றி பெற்றுள்ளது.

இரண்டு அணிகளும் 2ல் ஒரு போட்டியில் வெற்றி பெற்றிருந்தாலும், தமிழ் தலைவாஸ் அணி புள்ளி வேறுபாடு அடிப்படையில் தமிழ் தலைவாஸ் 7வது இடத்திலும், பாட்னா பைரேட்ஸ் அணி 8வது இடத்திலும் உள்ளது.

தமிழ் தலைவாஸ் பலம்:
தமிழ் தலைவாஸ் அணியின் கேப்டன் ராகுல் செளதிரி, அஜய் தாகூர், அஜித் குமார் ஆகியோர் ரைடில் சிறப்பாக செயல்பட்டு வருவது பலம்.
பாட்னா பைரேட்ஸ் பொருத்த வரை கேப்டன் பிரதீப் நரவால், லீ ஜாங்-குன் அசத்தி வருகின்றனர்.

எதிரணி ரெய்டு வரும் போது தமிழ் தலைவாஸ் அணியின் சில வீரர்கள் கோட்டை தாண்டி கால் வைப்பது பெரிய பலவீனமாக பார்க்கப்படுகிறது. இதன் காரணமாக தான் கடைசியாக தபாங் டெல்லி அணிக்கு எதிராக ஒரு புள்ளி வித்தியாசத்தில் தோல்வி அடைய முக்கிய காரணமாக அமைந்தது.