கோலி என்ன கோலி... ரொனால்டோவின் உடம்புக்கு 20 வயசுதானாம்! - ஃபிட்னஸ் குறித்து மருத்துவர்கள் புகழாரம்

போர்ச்சுகலை சேர்ந்த கால்பந்து வீரர் கிறிஸ்டியானோ ரொனால்டோவின் உடல் ஃபிட்னஸ் 20 வயது இளைஞரைப் போல உள்ளதாக மருத்துவர்கள் தெரிவித்துள்ளார்.

உலகின் அதிக கால்பந்து ரசிகர்களை வைத்திருப்பவர்களில் முக்கியமானவர் போர்ச்சுகலின் கால்பந்து வீரர் கிறிஸ்டியானோ.

ரியல் மாட்ரிட் அணியிலிருந்து விலகிய கிறிஸ்டியானோ ரொனால்டோ, ஜுவெண்டஸ் என்ற கால்பந்து கிளப் அணியில் சேர்ந்துள்ளார். இந்நிலையில் ஜுவெண்டஸ் அணி மருத்துவ குழு ரொனால்டோவை பரிசோதனை செய்து வெளியிட்ட தகவல் ஆச்சர்யத்தை ஏற்படுத்தும் விதமாக உள்ளது.

33 வயதான ரொனால்டோ தன் உடம்பை 20 வயது இளைஞரைப் போல மிக ஃபிட்டாக வைத்துள்ளார். இவரின் உடம்பில் வெறும் 7% மட்டுமே கொழுப்பு உள்ளது. 50% தசையின் நிறை உள்ளது என தெர்வித்துள்ளனர். இதனால் தான் அண்மையில் முடிந்த உலகக் கோப்பையின் போது 33.98 கிமீ வேகத்தில் பந்தை கடத்தி கோல் அடிக்க ஓடி சாதிக்க முடிந்தது என தெரிவித்துள்ளனர்.

இந்தியாவில் விராட் கோலி தன் உடம்பை ஃபிட்டாக வைத்துள்ளதாக புகழப்பட்டு வரும் நிலையில், ரொனால்டோவின் இந்த மருத்துவ முடிவு அனைவரையும் ஆச்சர்யத்தில் மூழ்கடித்துள்ளது.