Australian Open: போராடி வெளியேறிய குன்னேஸ்வரன்... மற்ற இந்திய வீரர்களும் ஏமாற்றம்!

ஆஸ்திரேலியாவின் மெல்போர்னில் ஆஸ்திரேலிய ஓபன் டென்னிஸ் தொடர் நடக்கிறது. இதன் தகுதிச்சுற்று போட்டிகளின் ஃபைனலில் இந்தியாவின் பிரஜ்னீஸ் குன்னேஸ்வரன், லாத்வியாவின் எர்னெஸ்டஸ் குல்பிஸை எதிர்கொண்டார்.

இதில் துவக்கம் முதல் சொதப்பலான ஆட்டத்தை வெளிப்படுத்திய குன்னேஸ்வரன் முதல் செட்டை 6-7 என இழந்தார். தொடர்ந்து நடந்த இரண்டாவது செட்டிலும் படுசொதப்பலான ஆட்டத்தை வெளிப்படுத்திய குன்னேஸ்வரன் 2-6 என இழ்ந்தார். இறுதியில், இந்தியாவின் பிரஜ்னீஸ் குன்னேஸ்வரன், லாத்வியாவின் எர்னெஸ்டஸ் குல்பிஸிடம் 6-7, 2-6 என்ற செட்களில் தோல்வியடைந்தார்.

முன்னதாக நடந்த போட்டிகளில் ஒயில்டு கார்டு மூலம் நுழைந்த ஆஸ்திரேலியாவின் ஹாரி போரிச்சர், மற்றும் ஜெர்மனியின் யானிக் ஹான்ப்மான் ஆகியோர் வீழ்த்தி ஃபைனல் சுற்றுக்கு தகுதி பெற்றார்.

நகால் சொதப்பல்
இதேபோல மற்றொரு இந்திய வீரரான சுமித் நகால், தகுதிச்சுற்றின் முதல் சுற்று போட்டியில் எகிப்த்தின் முகமது சபாத்திடம் தோல்வியடைந்து வெளியேறினார். மற்றொரு இந்திய வீரரான ராம்குமார் ராமநாதன், பெண்கள் ஒற்றையர் பிரிவில் அங்கிதா ரெய்னா ஆகியோரும் தோல்வியடைந்து வெளியேறினர்.