ஹாங்காங் ஓபன்: அரையிறுதியில் பி.வி.சிந்து!

கவ்லூன்: ஹாங் காங் ஓபன் பாட்மிண்டன் தொடரின் அரையிறுதிக்கு இந்தியாவின் பி.வி.சிந்து தகுதி பெற்றார்.

ஹாங்காங்கின் கவ்லூன் நகரில் ஹாங் காங் ஓபன் பாட்மிண்டன் தொடர் நடக்கிறது. இதில் பெண்கள் ஒற்றையர் பிரிவு காலிறுதியில் இந்தியாவின் பி.வி.சிந்து, சிங்கப்பூர் வீராங்கனை ஜியாவ் லியாங்கை எதிர்கொண்டார்.

இதில் துவக்கம் முதல் அசத்திய சிந்து, முதல் செட்டை 21-17 என வென்றார். தொடர்ந்து நடந்த இரண்டாவது செட்டை 21-23 என லியாங் போராடி கைப்பற்றினார். வெற்றியாளரை தீர்மானிக்கும் மூன்றாவது செட்டில் அசத்திய சிந்து முதலில் சற்று தடுமாறினாலும், 21-18 என கைப்பற்றினார்.

முடிவில், இந்தியாவின் சிந்து,சிங்கப்பூர் வீராங்கனை ஜியாவ் லியாங்கை, 21-17, 21-23, 21-18 என்ற செட்களில் வீழ்த்தி அரையிறுதிக்கு தகுதி பெற்றார்.