மல்யுத்த வீரரை மணக்கும் ஒலிம்பிக் சாதனையாளர் சாக்‌ஷி மாலிக்

ரோட்டாக்: மல்யுத்த வீரரை ஒலிம்பிக் சாதனையாளர் சாக்‌ஷி மாலிக் விரைவில் திருமணம் முடிக்க உள்ளார்.

ஹரியான மாநிலம் ரோட்டாக் பகுதியைச் சேர்ந்தவர் 24 வயதான சாக்‌ஷி மாலிக். இவர் ரியோ ஒலிம்பிக் மல்யுத்த பிரிவில் வெண்கலப் பதக்கம் வென்று சாதனை படைத்தார். இவருக்கு சக மல்யுத்த வீரர் சத்யவார்ட் உடன் விரைவில் திருமணம் நடைபெற உள்ளது.

சாக்‌ஷி மாலிக்கும், சத்யவார்ட் காடியனும் ஒருவரை ஒருவர் காதலித்து வந்தனர். இவர்கள் மல்யுத்த போட்டிகளில் பங்கேற்ற போது அவர்களுக்குள் காதல் மலர்ந்தது. சத்யவார்ட் கடந்த 2010ஆம் ஆண்டு நடைபெற்ற இளையோர் ஒலிம்பிக்கில் வெண்கலம் வென்றுள்ளார்.

இந்நிலையில் சாக்‌ஷி ஆலிக், சத்யவார்ட் திருமண நிச்சயதார்த்தம் ரோட்டாக்கில் உள்ள சாக்‌ஷி மாலிக்கின் இல்லத்தில் நடைபெற்றது. திருமண தேதி விரைவில் முடிவு செய்யப்படும் என்று தெரிவிக்கப்பட்டுள்ளது.

Rio Olympic medalist Sakshi Malik today got engaged to wrestler boyfriend Satyawart Kadian in Rohtak.