அடுத்த ஆண்டு திரும்பும் பெடரர் !

நியூயார்க: காயம் காரணமாக ஓய்வில் உள்ள சுவிட்சர்லாந்து டென்னிஸ் வீரர் ரோஜர் பெடரர் அடுத்த ஆண்டுதான் போட்டிகளில் பங்கேற்பார் என தெரிவிக்கப்பட்டுள்ளது.

சுவிட்சர்லாந்தின் நட்சட்த்திர டென்னிஸ் வீரர் ரோஜர் பெடரர். இவர் சமீபத்தில் ஏற்பட்ட காயம் காரணமாக பிரேசிலின் ரியோ ஒலிம்பிக்கில் இருந்து விலகினார். தற்போது இந்த ஆண்டில் எஞ்சியுள்ள அமெரிக்க ஓபன் கிராண்ட்ஸ்லாம் டென்னிஸ் உட்பட எல்லா போட்டிகளில் இருந்தும் விலகுவதாக அறிவித்துள்ளார்.

இதுகுறித்து பெடரர் கூறியது:
தற்போது காயத்தில் இருந்து சீரான வேகத்தில் குணமடைந்து வருகிறேன். அதனால் இந்த ஆண்டின் எஞ்சியுள்ள நாட்களையும் எனது உடலை வலுப்படுத்த முடிவு செய்துள்ளேன். அடுத்த சில மாதங்கள் ஜிம்மிற்கு சென்று கடினமாக தயாராகவுள்ளேன். அப்போது தான் ஜனவரிமாதம் நடக்கவுள்ள ஹாப்மேன் கோப்பை, ஆஸ்திரேலிய ஓபன் தொடர்களில் சாதிக்கமுடியும். இது என்னுடைய ஓய்வுக்கான முடிவாக கருதவில்லை. மாறாக ஒருபுது துவக்கத்துக்கான ஆரம்பமாகத்தான் கருதுகிறேன். அதற்காகத்தான் தற்போது தயாராகிவருகிறேன்.
இவ்வாறு பெடரர் கூறினார்.