உலக கோப்பைக்காக ஓநாயை தேர்ந்தெடுத்த ரஷ்யா!

வரும் 2018ல் நடக்கவுள்ள கால்பந்து உலகக்கோப்பை தொடருக்காக ஓநாயை அடையாளச்சின்னமாக ரஷ்யா தேர்வு செய்துள்ளது.

உலக அளவில் அதிக ரசிகர்களை கொண்ட 00கால்பந்து உலகக்கோப்பை தொடர் வரும் 2018ல் ரஷ்யாவில் நடக்கவுள்ளது. இதற்கான மைதானங்களை தயார் செய்யும் பணியில் ரஷ்யா தீவிரமாக இறங்கியுள்ளது.

இதன் ஒருபகுதியாக, ரஷ்யாவின் பாரம்பரியத்தை குறிக்கும் வகையில், உலகக்கோப்பைக்கான சின்னம் தேர்வு செய்யப்பட்டது. இதற்காக பூனை, புலி, மற்றும் ஓநாய் ஆகியவை சின்னமாக தேர்வு செய்யப்பட்டு, வாக்கெடுப்பு நடத்தப்பட்டது. இதில் 10 லட்சத்துக்கு மேலானனோர் இதில் கலந்து கொண்டனர்.

இதில் பாதிக்கும் மேற்பட்டோர், ஓநாயை தேர்வு செய்தனர். இதையடுத்து 2018 உலகக்கோப்பை தொடருக்கான ஓநாய் சின்னமாக தேர்வு செய்யப்பட்டு, ஜாபிவாகா என பெயரிடப்பட்டுள்ளது.