ஹோபர்ட் டென்னிஸ்: ஃபைனலில் சானியா மிர்சா ஜோடி!

சுமார் இரண்டு ஆண்டுக்கு பின் முதல் முறையாக டென்னிஸ் களத்திற்கு திரும்பிய இந்தியாவின் நட்சத்திர வீராங்கனை சானியா மிர்சா ஹோபர்ட் சர்வதேச டென்னிஸ் தொடரில் பங்கேற்கிறார். இதன் பெண்கள் இரட்டையர் பிரிவில் உக்ரைனின் நாடியா கிச்செனோக் உடன் ஜோடி சேர்ந்து சானியா விளையாடுகிறார்.

இதன் அரையிறுதியில் சானியா ஜோடி, சுலோவேனியாவின் தமாரா ஜிடான்சிக், செக் குடியரசின் மேரி போஸ்கோவா ஜோடியை எதிர்கொண்டது. இதில் துவக்கம் முதல் சானியா ஜோடியின் ஆதிக்கமே அதிகம் இருந்தது. இதன் முதல் செட்டை 7-6 என சானியா ஜோடி வென்றது. தொடர்ந்து நடந்த இரண்டாவது செட்டிலும் மிரட்டிய சானியா 6-2 என எளிதாக தன் வசப்படுத்தியது.

இறுதியில், இந்தியாவின் சானியா மிர்சா, நாடியா கிச்செனோக் ஜோடி , சுலோவேனியாவின் தமாரா ஜிடான்சிக், செக் குடியரசின் மேரி போஸ்கோவா ஜோடியை 7-6, 6-2 என்ற செட்களில் வீழ்த்தி ஃபைனலுக்கு தகுதி பெற்றது. ஃபைனலில் சானியா ஜோடி, சீன ஜோடியான ஜாங், பெங் ஜோடியை எதிர்கொள்கிறது.