சூமேக்கருக்கு பின் பெராரிக்கு பெருமை சேர்த்த வெட்டல்...!

மாண்ட்ரியல்: மாண்ட்ரியலில் நடந்த நடப்பு ஆண்டுக்கான ஃபார்முலா-1 கார்பந்தயத்தின் கனடா தகுதிச்சுற்றில் பெராரி அணியின் ஜெர்மனி வீரர் செபாஸ்டியன் வெட்டல் சாதனையுடன் வெற்றி பெற்றார்.

உலகின் பல்வேறு நாடுகளில் ஆண்டுதோறும் ஃபார்முலா-1 கார்பந்தயம் நடப்பது வழக்கம். இந்த ஆண்டுக்கான தொடர் மொத்தம் 21 சுற்றுகளாக நடக்கிறது. இதன் 7வது சுற்றுக்கான தகுதிச்சுற்று போட்டியின் கடைசி தகுதிச்சுற்று இன்று மாண்ட்ரியலில் நடந்தது.

லேப் சாதனை:
இன்று நடந்த இதன் மூன்றாவது தகுதிச்சுற்றில், பெராரி அணியின் ஜெர்மனி வீரர் செபாஸ்டியன் வெட்டல் சிறந்த லேப் சாதனையுடன் வெற்றி பெற்றார். மொத்தமாக 18 சுற்றுகள் சுற்றிய வெட்டல், பந்தய எல்லையை அதிவிரைவாக 1.10.764 நிமிடத்தில் கடந்து முதலிடம் பிடித்தார். இதன் மூலம் குறைந்த நேரத்தில் தகுதி பெற்ற வீரர் என்ற பெருமை பெற்றார் வெட்டல்.

இவரைவிட கூடுதலாக 0.93 வினாடிகள் எடுத்துக்கொண்ட மெர்சிடஸ் வீரர் வால்டேரி போத்தாஸ் (1.10.857) இரண்டாவது இடம் பிடித்தார். இதையடுத்து ஃபைனலுக்கான பட்டியலில் வெட்டல் முதலிடத்தில் உள்ளார்.

17 ஆண்டுக்கு பின்......
இதன் மூலம் இத்தாலியின் நிறுவனமான பெராரி அணிக்காக, சுமார் 17 ஆண்டுக்கு பின் மாண்ட்ரியலில் போல் இடத்தை பிடித்த முதல் வீரர் என்ற பெருமை பெற்றார் வெட்டல். முன்னதாக கடந்த 2001ல் பெராரி அணிக்காக அப்போதைய ஜாம்பவான் மைக்கேல் சூமேக்கர் போல் இடம் பிடித்தார்.

இதுகுறித்து வெட்டல் கூறுகையில், ‘புது இஞ்சின்கள் பொறுத்தப்பட்ட கார் மிகவும் வேகமாக உள்ளது. தகுதிச்சுற்றிலேயே இப்படி அசத்துவது சிறப்பான விஷயம். சரியான நேரத்தில் தான் இந்த சாதனை வெற்றி சாத்தியமாகியுள்ளது.’ என்றார்.

MONTREAL: Sebastian Vettel roared to pole position with a record-breaking lap for Ferrari in Saturday's dramatic qualifying session for this weekend's Formula One Canadian Grand Prix.