மேடிசன் கீஸை வீழ்த்தி அமெரிக்கன் ஓபன் டென்னீஸ் பட்டத்தை வென்றார் ஸ்டீபன்ஸ்

நியூயார்க்: கிராண்ட்ஸ்லாம் போட்டிகளில் ஒன்றான அமெரிக்கன் ஓபன் டென்னீஸ் போட்டியின் மகளிர் ஒற்றையர் பிரிவில் மேடிசன் கீஸை வீழ்த்தி தனது முதல் கிராண்ட்ஸ்லாம் படத்தை வென்றார் ஸ்லோன் ஸ்டீபன்ஸ்.

நியூயார்க்கில் நடைபெற்று வரும் அமெரிக்கன் ஓபன் டென்னீஸின் மகளிர் ஒற்றையர் பிரிவு இறுதிபோட்டியில் அமெரிக்காவைச் சேர்ந்த மேடிசன் கீஸ் மற்றும் ஸ்லோன் ஆகிய இருவரும் ஒருவரையொருவர் எதிர்கொண்டனர். இருவரும் அமெரிக்காவைச் சேர்ந்தவர்கள் என்பதாலும், சிறுவயது முதல் தோழிகள் என்பதாலும் போட்டிக்கு முன் மிகுந்த எதிர்பார்ப்பு இருந்தது.

போட்டியின் ஆரம்பம் முதலே ஆதிக்கம் செலுத்தி வந்த ஸ்டீபன்ஸ், முதல் செட்டை 6-3 என்ற கணக்கிலும் இரண்டாவது செட்டை 6-0 என்ற நேர் செட் கணக்கிலும் மேடிசன் கீஸை வென்று, தனது முதல் கிராண்ட்ஸ்லாம் பட்டத்தைக் கைப்பற்றினார்.

இந்த வெற்றியின் மூலம், தரநிலையில் 83வது இடத்தில் உள்ள ஸ்டீபன்ஸ் 17வது இடத்திற்கும், இவரை எதிர்கொண்ட சகநாட்டு வீராங்கனையான மேடிசன் கீஸ் 15வது இடத்திலிருந்து 12ஆம் இடத்திற்கும் முன்னேறவுள்ளனர்.

முன்னதாக, தனது இடது காலில் ஏற்பட்ட காயம் காரணமாக 11 மாதங்கள் ஓய்விலிருந்த ஸ்டீபன்ஸ் கடந்த ஜூலை மாதமே மீண்டும் போட்டிகளில் பங்கேற்கத் தொடங்கினார் என்பது குறிப்பிடத்தக்கது.

Sloane Stephens beats Madison Keys in all American final to win US Open title