சுல்தான் அஸ்லான் ஷா கோப்பை: இந்திய ஹாக்கி அணி வெற்றி

இபோ: சுல்தான் அஸ்லான் ஷா கோப்பை ஹாக்கி தொடரில் ஜப்பான் அணியை 2-1 என்ற கோல் கணக்கில் இந்தியா வென்றுள்ளது.

25-வது சுல்தான் அஸ்லான் ஷா கோப்பை ஹாக்கி தொடர் இன்று தொடங்கியது. தொடக்க நாளான இன்று இந்திய அணி ஜப்பான் அணியை சந்தித்தது. ஆட்டம் துவங்கிய 17-வது நிமிடத்தில் ஜப்பான் வீரர் கேஞ்சி முதல் கோலை அடித்து ஜப்பான் அணிக்கு முன்னிலை பெற்றுத் தந்தார்.

இதன் பின்னர் சுதாகரித்து கொண்ட இந்திய அணி தனது தடுப்பு மற்றும் அட்டாக் ஆகிய இரண்டு பகுதிகளையும் வலுவாக்கியது. இளம் வீரர் ஹர்மான்ப்ரித் சிங் ஆட்டத்தின் 24-வது நிமிடத்திலும், அணித்தலைவர் சர்தார் சிங் 32-வது நிமிடத்திலும் தலா ஒரு கோல் அடித்தனர்.

இதன் மூலம் 2-1 என்ற முன்னிலையை இந்தியா பெற்றது. இதற்கு பின்னர் இரண்டு அணி வீரர்களும் கோல் அடிக்க எடுத்த முயற்சிகள் பலனளிக்கவில்லை. இதனால் இந்திய அணி 2-1 என்ற கோல் கணக்கில் ஜப்பன அணியை வெற்றி கொண்டது. தனது அடுத்த போட்டியில் இந்தியா ஆஸ்திரேலியாவை சந்திக்கவுள்ளது.