Pro Kabaddi 2018: புரோ கபடி லீக் - ஹரியானா உடனான த்ரில்லர் ஆட்டத்தை சமன் செய்த தமிழ் தலைவாஸ்!

புரோ கபடி லீக்கின் 6 சீசன் தொடங்கி நடைபெற்று வருகிறது. இதில் நேற்று நடைபெற்ற 62வது ஆட்டத்தில் தமிழ் தலைவாஸ் மற்றும் ஹரியானா ஸ்டீலர்ஸ் அணிகள் மோதின. விறுவிறுப்பாக நடைபெற்ற ஆட்டத்தின் முதல் பாதியில் ஹரியானா ஸ்டீலர்ஸ் 19 -15 என முன்னிலை பெற்றது.

இடைவெளிக்கு பிறகு, தமிழக அணி தனது பலத்தைக் காட்டி 21 - 19 புள்ளிகள் வரை சென்றது. இதையடுத்து 21 - 20 என மாறி, 27 - 25 என களம் மாறிக் கொண்டே சென்றது.

ஒருகட்டத்தில் தமிழ் தலைவாஸின் ஜஸ்விர் சிங் வெற்றிகரமான ரைடு சென்றதால் ஆட்டம் 27 -27 என்ற நிலைக்கு வந்தது. அதன் பிறகு, 28 -28 எனவும், 31- 29 எனவும் மாறின.

இறுதியில் ஹரியானா அணி வீறு கொண்டு எழுந்து ஆட்டத்தை 32 - 32 என சமனில் கொண்டு வந்து முடித்தது. தமிழக அணியில் சுகேஷ் ஹெக்டே(7 புள்ளிகள்), அஜய் தாகூர்(6 புள்ளிகள்), மஞ்சீத் சில்லர்(4 புள்ளிகள்) எடுத்தனர்.

ஹரியானா அணியில் விகாஸ் கண்டோலா(14 புள்ளிகள்) எடுத்து ஸ்டாராக மாறினார். மொத்தம் 21 ரைடுகள் சென்று, கண்டோலா 14 புள்ளிகள் எடுத்துள்ளார். இதேபோல் மற்றொரு ஆட்டத்தில் மும்பை - பெங்களூரு அணிகள் மோதின. அதில் 32 - 29 என்ற புள்ளிகள் பெற்று மும்பை அணி வென்றது.