தடகள போட்டியில் தமிழக வீரருக்குத் தங்கப்பதக்கம்

ஆசிய தடகள சாம்பியன்ஷிப் போட்டியில் தமிழக வீரர் லட்சுமணன் தங்கப்பதக்கம் வென்றுள்ளார்.

22வது ஆசிய தடகள சாம்பியன்ஷிப் போட்டி ஒரிசா மாநிலம் புவனேஸ்வரில் நடைபெற்றது. வியாழக்கிழமை நடைபெற்ற ஆண்களுக்கான 5000 மீட்டர் ஓட்டப்பந்தையத்தில் இந்தியா சார்பில் தமிழகத்தை சேர்ந்த லட்சுமணன் என்ற வீரர் களமிறங்கினார்.

அவர், 14 நிமிடம் மற்றும் 54.48 வினாடிகளில் பந்தைய தூரத்தைக் கடந்து முதலிடம் பிடித்தார். இதன் மூலம் தங்கப்பதக்கத்தைக் பெற்று இந்தியாவுக்கும் தமிழகத்துக்கும் பெருமை சேர்த்துள்ளார்.

இந்தப் போட்டியில், அன்று ஒரு நாளில் மட்டும் இந்தியாவுக்கு 7 பதக்கங்கள் கிடைத்துள்ளன.

கடந்த 2013ஆம் ஆண்டு உஹானில் நடைபெற்ற ஆசிய தடகள சாம்பியன்ஷிப் போட்டியில் லட்சுமணன் வெண்கலப்பதக்கத்தை வென்றிருப்பது நினைவுகூரத்தக்கது.