தடை ஓட்டத்தில் தடம் பதித்த தமிழ் பொண்ணு!

போபால்: தேசிய அளவில் 17 வயதுக்கு உட்பட்ட மகளிருக்கான 100 மீட்டர் தடை ஓட்டத்தில் தமிழக வீராங்கனை பி.எம்.தபிதா தங்கப்பதக்கம் வென்றுள்ளார்.

63வது தேசிய பள்ளி விளையாட்டு போட்டிகள் மத்திய பிரதேச மாநிலம் போபாலில் நடந்து வருகிறது. இதில் நேற்று நடைபெற்ற 17 வயதுக்கு உட்பட்ட மாணவிகளுக்கான 100 மீட்டர் தடை ஓட்டத்தில் தமிழக வீராங்கனை பி.எம்.தபிதா தங்கப் பதக்கத்தைத் தட்டிச்சென்றார். 14.38 வினாடியில் பந்தய தூரத்தை கடந்து அவர் முதலிடம் பிடித்தார்.

கடந்த 2016-17ஆம் ஆண்டு 100 மீட்டர் தடை ஓட்டத்தை கேரள வீராங்கனை அபர்ணா ராய் 14.41 வினாடியில் கடந்தே இதுவரை சாதனையாக இருந்தது. இதனை தபிதா முறியடித்து அசத்தியுள்ளார்.

சென்னை பிராட்வேயில் உள்ள செயின்ட் ஜோசப்ஸ் ஸ்போர்ட்ஸ் அகாடமியில் தபிதா பயற்சி பெற்று வருவது குறிப்பிடத்தக்கது.