ஆஸ்திரேலிய விளையாட்டு வீரருக்கு கல்வி உதவி செய்த இந்தியா

ஹாக்கி இந்தியா லீக் மூலம் கிடைக்கும் பணம் கல்வி கட்டணம் கட்ட உதவியாக இருக்கும் என ஆஸ்திரேலியா ஹாக்கி விளையாட்டு வீரர் டாம் கிராயிக் கூறியுள்ளார்.

கிரிக்கெட் திருவிழாவான ஐபிஎல் மாபெரும் வெற்றி பெற்றதன் பின்பு, கபடி, பேட்மிண்டன், கால்பந்து, ஹாக்கி என அனைத்து வகையான விளையாட்டையும் பிரீமியர் லீக் என்ற பெயரில் நடத்தப்பட்டு வருகின்றது.

2017ம் ஆண்டுக்கான ஹாக்கி இந்தியா லீக் ஜனவரி 21 முதல் பிப்ரவரி 26ம் தேதி வரை நடைப்பெற உள்ளது.

இந்த ஹாக்கி போட்டியில் கலிங்கா லான்செர் என்ற அணியில் விளையாட ஆஸ்திரேலியா ஹாக்கி விளையாட்டு வீரர் டாம் கிராயிக் தேர்ந்தெடுக்கப்பட்டுள்ளார். டாம் கிராயிக்கை 67,000 டாலர் அதாவது 45 லட்சம் தொகைக்கு எடுக்கப்பட்டுள்ளார்.

இதுகுறித்து கருத்து தெரிவித்துள்ள டாம், ஹாக்கி இந்தியன் பிரீமியர் மூலம் கிடைக்கும் பணம் என் கல்லூரி கல்வி கட்டணத்திற்கு உபயோகமாக இருக்கும் என கூறியுள்ளார்.