நான் சட்டையை கழற்றியது தப்பா? - வீராங்கனையிடம் மன்னிப்பு கேட்ட யூ.எஸ் டென்னிஸ் சங்கம் - வீடியோ

பிரபல அமெரிக்க ஓபன் டென்னிஸ் (US Open 2018) தற்போது நடைப்பெற்று வருகின்றது. இதில் பெண் போட்டியாளர் ஒருவர் போட்டி நடக்கும் போது பார்வையாளர்கள் முன்னிலையில் தன் உடையை மாற்றியது சர்ச்சையை ஏற்படுத்தியது.

அமெரிக்காவின் நியூயார்க் நகரில் யூ.எஸ் ஓபன் கிராண்ட்சிலாம் டென்னிஸ் தொடர் நடைப் பெற்று வருகின்றது. இந்த தொடர் ஆகஸ்ட் 27 முதல் செப்டம்பர் 9ம் தேதி வரை நடக்கிறது.

இந்த தொடரில் 128 போட்டியாளர்கள் சுற்றில் பிரான்ஸ் வீராங்கனை அலிஸ் கோர்னெட் - ஸ்வீட்னின் ஜோஹன்னா லார்சனை எதிர் கொண்டார். இந்த போட்டியில் 6-4,3-6,2-6 செட் கணக்கில் அலிஸ் கோர்னெட் தோல்வியடைந்தார்.

உடை மாற்றிய அலிஸ் கோர்னெட் :
இந்தாண்டு நியூயார்க்கில் கடுமையான வெப்பநிலை நிலவுகிறது. இதனால் இதுவரை யூ.எஸ் ஓபன் டென்னிஸில் பங்கு பெற்று விளையாடிய 5 வீரர்கள் போட்டியின் நடுவே, வெப்பம் தாங்க முடியாமல் போட்டியிலிருந்து விடைப் பெற்றனர்.


இந்நிலையில் அலிஸ் கோர்னெட் - ஜோஹன்னா லார்சன் இடையிலான போட்டியின் போது, வெம்மை காரணமாக அலிஸ் கோர்னெட் மைதானத்திலேயே தன் உடையை கழற்றி, மாட்டினார். இதனை போட்டி நடுவர் கண்டித்தார்.

மன்னிப்பு கேட்ட யூ.எஸ் டென்னிஸ் அமைப்பு:
ஆண் போட்டியாளர்கள் மட்டும் மைதானத்திலேயே அனைவரின் முன்பாக சட்டையை கழற்றி, வேறு சட்டையை மாற்றிக் கொள்வது வாடிக்கையாக உள்ளது. ஆனால் ஒரு பெண் போட்டியாளர் உடையை மாற்றியது சர்ச்சையா?. ஆண்களுக்கு ஒரு நியாயம், பெண்களுக்கு ஒரு நியாயமா? என அலிஸ் கோர்னெட் கேள்வி எழுப்பினார். அவருக்கு பலரும் ஆதரவு தெரிவித்தனர்.




இந்த விவகாரம் பெரிதானதை அடுத்து அலிஸ் கோர்னெட்டிடம் யூ.எஸ் டென்னிஸ் அமைப்பு மன்னிப்பு கேட்டுள்ளது.