ஹாங்காங் ஓபன் : காயம் ஏற்பட்டாலும் போராடி தோற்ற சாய்னா நேவல்

புதுடெல்லி : ஹாங்காங் ஓபன் பேட்மிண்டன் தொடரின் காலியிறுதியில் இந்தியாவின் சாய்னா நேவல் போராடி தோற்று வெளியேறினார்.

இந்தியாவின் பேட்மிண்டன் நடசத்திரம் சாய்னா நேவல் காயம் காரணமாக அறுவை சிகிச்சை செய்து ஓய்வு எடுத்து வந்தார்.
இந்நிலையில் ஹாங்காங் ஓபன் பேட்மிண்டன் போட்டியின் காலிறுதியில் இன்று விளையாடினார். சைனாவின் சியங் கான் யி யை எதிர்த்து விளையாடிய சாய்னா நேவால் முதல் செட்டை 12 நிமிடங்களில் 8 -21 என்ற கணக்கில் இழந்தார்.

அதன் பின் சுதாறித்து விளையாடிய சாய்னா நேவால் 2வது செட்டை 21-18 என்ற கணக்கில் வென்றார். காயத்தின் காரணமாக போட்டியில் சரியாக செயல்பட முடியாவிட்டாலும் விட்டு கொடுக்காமல் போராடினார்.

மூன்றாவது செட்டை 11-7 என சீன வீரர் முன்னிலை வகித்த நிலையில், சாய்னா அடுத்தடுத்து புள்ளிகளை பெற்று முன்னேறினார். 13-11,12-13,14-14,16-16 என அடுத்தடுத்து சாய்னா நேவால் முன்னேறி இருவரும் சம நிலையை அடைந்தனர்.

கடைசியில் 17-18 என முன்னிலையில் இருந்தார். இருப்பினும் அவரது காயம் ஒத்துழைக்காத காரணத்தினால், போட்டியின் முடிவில் 21-19 என்ற கணக்கில் மூன்றாவது செட்டை இழந்தார்.

ஆட்டநேர முடிவில் -21, 21-18, 19-21 என்ற கணக்கில் சாய்னா நேவல் தோல்வியை சந்தித்து அரையிறுதி வாய்ப்பை இழந்தார். இந்த போட்டியில் வெற்றி பெற்றிருந்தால், அரையிறுதியில் இந்தியாவின் பிவி சிந்துவுடன் மோதியிருப்பார் சாய்னா.