இத்தாலியில் மீண்டும் மண்ட்சுகிச்: ஏசி மிலானில் இணைந்தார்!

மண்ட்சுகிச் ஜெர்மனி, ஸ்பெயின், இத்தாலி போன்ற பல்வேறு நாடுகளில் பல்வேறு அணிகளுக்காக கோப்பையை வெல்ல உதவியுள்ளார். குறிப்பாக ஜெர்மனி நாட்டைச் சேர்ந்த பேயர்ன் மியூனிக் அணியில் இரண்டு முறை புண்டஸ்லிகா கோப்பை மற்றும் ஒரு சாம்பியன்ஸ் லீக் கோப்பை என மேலும் பல கோப்பைகளை வெல்ல உதவினார், மட்டுமல்லாமல் இத்தாலி நாட்டில் யுவெண்டஸ் அணி தொடர்ச்சியாக நான்கு முறை ஸ்குடெட்டோ வெல்வதற்கு உதவியாய் இருந்தார்.

குருயேஷியா நாட்டை 2018 ஆம் ஆண்டு உலக கோப்பையில் இறுதி ஆட்டம் வரை எடுத்துச் சென்றதில் இவர் பெரிய பங்காற்றினார். 2020ஆம் ஆண்டு ஜூன் மாதத்துடன் யுவண்டஸ் அணியுடனான இவரது ஒப்பந்தம் நிறைவு பெற்றதன் காரணமாக, கத்தார் நாட்டில் சிறிதுகாலம் ஆடி வந்தார். தற்பொழுது இவர் எந்த அணியுடனும் ஒப்பந்தத்தில் இல்லாத காரணத்தால், இவரை விலை கொடுக்காமல் எந்த அணியினரும் வாங்கலாம் என்று ஆனது.

இவர் ஆடிய அனைத்து அணிகளுக்கும் இவர் பெரும் உதவியாக இருந்துள்ளார், குறிப்பாக தலையால் முட்டி கோல் அடிப்பதில் இவர் பெயர் போனவர், 6.4 அடி உயரமான இவர் தலையால் முட்டி கோல் அடிப்பதை தவிர ஆட்டத்தின் இதர விஷயங்களில் பெரிய அளவில் பங்களிப்பது இல்லை என்ற விமர்சனம் தொடர்ச்சியாக எழுப்பப்படும். ஆனால் இவரை ஸ்ட்ரைக்கராக மட்டும் பயன்படுத்தும் அணிக்கு இவர் நிச்சயம் ஒரு பக்கபலமாக இருப்பார் என்பதில் சந்தேகமே இல்லை.

சிலாட்டான் அதிரடி: யுவெண்டஸ்ஸைவிட பத்து புள்ளி முன்னிலையில் ஏசி மிலான்

அதைத்தொடர்ந்து ஏசி மிலான் இன்று இவரை தங்களது அணியில் இணைத்துள்ளது. இதைக்குறித்து பேசிய அணியின் நட்சத்திர வீரரான சிலாட்டான் 'அவரது வருகையின் மூலம் நாங்கள் இருவரும் எதிர் அணியினருக்கு சிம்ம சொப்பனமாக இருப்போம்' என்று கூறினார். நான்கு முறை யுவெண்டஸ் அணிக்காக ஸ்குடெட்டோ வெற்றி பெற்ற இவர் இந்த ஆண்டு ஏசி மிலான் வெற்றி பெறுவதற்கு பெரிதும் உதவியாக இருப்பார்.