திருநங்கையாக மாறிய WWE பிரபலம்: ரசிகர்கள் ஷாக்!

WWE நிகழ்ச்சியில் 2009 முதல் 2012ஆம் ஆண்டு வரையில் RAW, ஸ்மேக்டவுன் போன்ற பிரிவுகளில் பங்கேற்ற அமெரிக்கா நாட்டின் கப்பி டஃப்ட் திருநங்கையாக மாறியுள்ளார். அவரை டைலர் ரெக்ஸ் என்ற பெயரில்தான் அனைவருக்கும் தெரியும். இவர் ஆணாக இருந்தபோது எடுத்துக்கொண்ட புகைப்படத்தையும், திருநங்கையாக மாறியபின் எடுத்துக்கொண்ட புகைப்படத்தையும் தற்போது இன்ஸ்டாகிராமில் பகிர்ந்துள்ளார். இவருக்கு பிரிசில்லா என்ற மனைவியும், மியா என்ற பெண் குழந்தையும் உள்ளனர்.

திருநங்கையாக மாறியது தொடர்பாக இன்ஸ்டாவில் விளக்கமளித்துள்ள கப்பி டஃப்ட், “இதுதான் நான். உலகம் என்ன நினைக்கும் என பயந்து பயந்து வாழ்ந்த மற்றொரு பக்கம்தான் இது. எனது நண்பர்கள், குடும்பத்தினர் என்ன நினைப்பார்கள் என்பதை யோசித்துப் பார்க்க விரும்பவில்லை” எனப் பதிவிட்டுள்ளார்.

இதைத்தொடர்ந்து ஒரு தனியார் தொலைக்காட்சிக்குப் பேட்டியளித்த அவர், “நான் இனி பயப்படப் போவதில்லை. நான் என்னை முழுமையாக நேசிக்கிறேன் என்பதை நம்பிக்கையுடன் சொகிறேன். வெளிப்புற தோற்றம்தான் மாறியுள்ளது. ஆன்மா பழையபடியேதான் இருக்கிறது. எனது திருமண நாளில் எப்படி மகிழ்ச்சியாக இருந்தேனோ, அப்படித்தான் இப்போதும் உணர்கிறேன்” என்றார்.

மேலும் அவர், “நான் பத்தாம் வகுப்பு படித்தபோது, எனது அம்மா வீட்டில் இல்லாத சமயத்தில் அவருடைய ஆடையை எடுத்து அணிந்தேன். அதுதான் பொருத்தமான ஆடையாக இருந்தது. சமுதாயத்திற்குப் பயந்து பயந்து இத்தனை நாட்கள் வாழ்ந்துவிட்டேன். இனி அப்படி வாழப் போவதில்லை” என்கிறார் டைலர் ரெக்ஸ்.

பேயர்ன் மியூனிக் வெற்றி: இறுதிச்சுற்றில் டைகர்ஸ் அணியுடன் மோதுகிறது!

இவரது மனைவி பிரசில்லா கூறியபோது, ”எங்களின் 23 ஆண்டு கால திருமண வாழ்க்கை சுமுகமாகச் சென்றுகொண்டிருக்கிறது. அவரது விருப்பத்திற்கு நான் தடையாக இருக்க விரும்பவில்லை” என்று தெரிவித்துள்ளார்.

இனிவரும் காலங்களில் திருநங்கைகளுக்கு உதவுவது, சமுதாயம் என்ன சொல்லும் எனப் பயந்து பயந்து வாழும் திருநங்கைகளுக்கு உதவிக்கரம் நீட்டுவது போன்ற பணிகளில் இறங்கவுள்ளதாகக் கப்பி டஃப்ட் தெரிவித்துள்ளார்.