சொகுசு விடுதிக்கு மாறிய தினகரன் ஆதரவு எம்.எல்.ஏ.க்கள்

டி.டி.வி. தினகரன் ஆதரவு எம்.எல்.ஏ.க்கள் 19 பேர் புதுவை சின்னவீராம்பட்டினத்தில் உள்ள சொகுசு விடுதியில் தங்கி இருந்தனர். நீச்சல் குளம், பூங்கா, விளையாட்டு மைதானம், உடற்பயிற்சி கூடம், படகு குழாம் போன்ற வசதிகள் இங்கு உள்ளன.

இந்த விடுதி நகரத்தில் இருந்து விலகி ஒரு புறம் கடல், மற்றொரு புறம் சங்கராபரணி ஆறு சூழ அமைந்துள்ளது. எம்.எல்.ஏ.க்கள் இங்கு உற்சாகத்தோடு வலம் வந்தனர். தினமும் காலை வேளையில் கடற்கரையில் நடைபயிற்சி மேற்கொண்டனர். விடுதி நிர்வாகமும், காவல் துறையும் அனுமதித்தால் மட்டுமே விடுதிக்குள் பிறா் செல்ல முடியும்.

இத்தனை வசதிகள் நிறைந்த இந்த விடுதியை காலி செய்ய வேண்டிய நிர்ப்பந்தம் ஏற்பட்டதால் அவர்கள் புதுவை நகர பகுதியில் 100 அடி சாலையில் உள்ள தனியார் நட்சத்திர ஓட்டலுக்கு மாறினர். இந்த ஓட்டலிலும் அனைத்து வசதிகளும் உள்ளன. ஆனால் பிரதான சாலையில் அமைந்துள்ளது. ஓட்டலை சுற்றிலும் உள்ள குடியிருப்புகளில் இருந்து ஓட்டலில் நடப்பதை எளிதில் பார்க்க முடியும்.

இதனால் எம்.எல்.ஏ.க்கள் அறையில் இருந்து வெளியே வராமல் உள்ளேயே முடங்கிக் கிடந்தனராம். சின்ன வீராம்பட்டினம் சொகுசு விடுதியில் கிடைத்த சுதந்திரம், உற்சாகம் இந்த ஓட்டலில் இல்லை என எம்.எல்.ஏ.க்கள் கருதினர். தொடர்ச்சியாக இங்கு தங்க வேண்டாம் என அவர்கள் முடிவு செய்துள்ளனா்.

இந்நிலையில் மாலை மீண்டும் சின்ன வீராம்பட்டினத்தில் உள்ள சொகுசு விடுதிக்கு காவல் துறையினாின் பாதுகாப்படன் சட்டமன்ற உறுப்பினா்கள் மாறினா். இதற்காக சின்னவீராம்பட்டினம் விடுதி நிர்வாகத்திடம் பேச்சுவார்த்தை நடத்தி வருகின்றனர். அந்த ஓட்டலில் உள்ள ஒட்டுமொத்த அறைகளையும் தங்களுக்கு ஒதுக்கி தரும்படி கேட்டுள்ளதாக தெரிகிறது.