Ira Khan: காதலனுக்கு ஓகே சொன்ன சூப்பர் ஸ்டார் மகள்: தீயாய் பரவும் வீடியோ.!

பாலிவுட் சூப்பர் ஸ்டார் என அழைக்கப்படும் அமீர்கான் கடந்த 1986ஆம் ஆண்டு ரீனா தத்தாவை திருமணம் செய்துகொண்டார். இவர்களுக்கு ஜுனைத் என்ற மகனும் ஐரா என்கிற மகளும் உள்ளார்கள். இந்நிலையில் இவரது மகள் ஐராவின் இன்ஸ்டாகிராம் பதிவு இணையத்தில் வைரலாகி வருகிறது.

அமீர்கானும் ரீனா தத்தாவும் கடந்த 2002 ஆம் ஆண்டுவிவாகரத்து பெற்று பிரிந்தனர். இதனையடுத்து 2005 ஆம் ஆண்டு தன்னுடைய 'லகான்' படத்தில் உதவி இயக்குநராக பணியாற்றிய கிரண் ராவை திருமணம் செய்தது கொண்டனர். இவர்களுக்கு ஆசாத் ராவ் கான் என்கிற மகன் உள்ளார். பிறகு அமீர்கானும் கிரண் ராவும் கடந்த வருடம் பிரிவதாக அறிவித்தனர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்நிலையில் அமீர்கானின் மகள் ஐரா தனது இன்ஸ்டாகிராம் பக்கத்தில் தன் காதலர் நூபுரை திருமணம் செய்துகொள்ள சம்மதம் தெரிவித்த வீடியோவை பகிர்ந்துள்ளார். நூபுர் ஃபிட்னஸ் பயிற்சியாளராக பணியாற்றி வருகிறார். இவர் பந்தய நிகழ்ச்சி ஒன்றில் கலந்து கொள்ள சென்றபோது இந்த வீடியோ எடுக்கப்பட்டுள்ளது போல் தெரிகிறது.

மேலும் அந்த வீடியோவில் நூபுர், ஐராவை நோக்கி நடந்து சென்று முழங்காலில் நின்று, மோதிரத்தை ஐராவுக்கு அணிவித்து ப்ரொபோஸ் செய்கிறார். அதற்கு ஐராவும் 'எஸ்' என்று கூறுகிறார். அதன்பின்னர் நூபுர், ஐராவிற்கு உதட்டில் முத்தம் கொடுக்கிறார். இந்த வீடியோ தற்போது இணையத்தில் வைரலாகி வருகிறது.

Ravinder Mahalakshmi: எங்க கல்யாணத்தை வைச்சு காசு பார்த்துட்டாங்க: ரவீந்தர் ஆதங்கம்.!

இதனையடுத்து பலரும் இந்த காதல் ஜோடிகளுக்கு வாழ்த்து தெரிவித்து வருகின்றனர். நீண்ட நாட்களாக காதலித்து வரும் இவர்களின் திருமணம் குறித்து கடந்த சில மாதங்களாக வதந்திகள் பரவி வந்த நிலையில், தற்போது தங்களது நிச்சயதார்த்தத்தை அறிவித்துள்ளனர். விரைவில் நூபுர், ஐரா திருமணம் குறித்த அறிவிப்பை வெளியிடுவார்கள் என எதிர்பார்க்கப்படுகிறது.