அம்மா இறந்த ஒரே மாதத்தில் நடிகர் மரணம்: சூப்பர் ஸ்டார் கைவிட்டதாக புகார்

இந்தி படங்கள், தொலைக்காட்சி தொடர்களில் நடித்து வந்த அனுபம் ஷாம் உடல்நலக் குறைவு காரணமாக மருத்துவமனையில் அனுமதிக்கப்பட்டார். இந்நிலையில் அவர் சிகிச்சை பலனின்றி கடந்த 8ம் தேதி உயிரிழந்தார். அவருக்கு வயது 63. ஆறு நாட்கள் மருத்துவமனையில் இருந்த நிலையில் அவர் இறந்தார். அவரின் இறுதிச் சடங்கின்போது எடுக்கப்பட்ட புகைபப்டங்கள் சமூக வலைதளங்களில் வெளியாகின.

அனுபம் ஷ்யாமின் சகோதரர் அனுராக் பேட்டி ஒன்றில் பிரபல பாலிவுட் நடிகர் ஆமீர் கான் பற்றி பேசியிருக்கிறார். அந்த பேட்டியில் அனுராக் ஷ்யாம் கூறியதாவது, எங்கள் அம்மா உடல்நலம் பாதிக்கப்பட்டிருந்தபோது அவரை பார்க்க முடியவில்லையே என்று அனுபம் கவலைப்பட்டார். எங்கள் அம்மா ஜூலை மாதம் மரணம் அடைந்தார். எங்கள் குடும்பம் ரொம்ப கஷ்டப்பட்டுவிட்டது என்றார்.

எங்களின் அம்மா உத்தர பிரதேச மாநிலத்தில் இருக்கும் பிரதாப்கரில் இருந்தார். அங்கு டயாலிசிஸ் மையம் இல்லாததால் அனுபம் ஷ்யாமல் வர முடியவில்லை. டயாலிசிஸ் மையம் அமைக்குமாறு கோரியும் ஒன்றும் நடக்கவில்லை. இது தொடர்பாக ஆமீர் கானிடம் கோரிக்கை விடுத்தார் அனுபம் என அனுராக் ஷ்யாம் தெரிவித்துள்ளார்.

பிரதாப்கரில் டயாலிசிஸ் மையம் அமைக்கப்படும் என்று ஆமீர் கான் வாக்குறுதி அளித்தார். ஆனால் சில மாதங்களில் அவர் எங்கள் போன் கால்களை எடுப்பதை நிறுத்திவிட்டார். தன் டிவி நிகழ்ச்சி நிறுத்தப்படுமோ என்கிற கவலையிலும் இருந்தார் அனுபம் என்று அனுராக் கூறினார். கடந்த ஆண்டு ஜூலை மாதம் டயாலிசிஸ் செய்தபோது அனுபம் மயங்கிவிட்டார். இதையடுத்து கோரேகாவ்னில் இருக்கும் லைஃப்லைன் மருத்துவமனையில் அனுமதிக்கப்பட்டார் என்பது குறிப்பிடத்தக்கது.