Aamir Khan:அவள் பறந்து போனாளே: முதல் காதல் தோல்வியால் இதயம் நொறுங்கிப் போன சூப்பர் ஸ்டார்

ஆமீர் கான், கரீனா கபூர், நாக சைதன்யா உள்ளிட்டோர் நடித்திருக்கும் லால் சிங் சட்டா படம் ரிலீஸுக்கு தயாராகிவிட்டது. படத்தை விளம்பரம் செய்யும் வேலையில் ஈடுபட்டுள்ளார் ஆமீர் கான்.இந்நிலையில் அவர் தன் முதல் காதல் பற்றி பேசியிருக்கிறார். ஆமீர் கான் கூறியதாவது,

என் நெருங்கிய தோழியை தான் காதலித்தேன். நான் டென்னிஸ் விளையாடிய அதே கிளப்பில் தான் அவரும் இருந்தார். அவர் நாட்டை விட்டே சென்றது ஒரு நாள் தெரிய வந்தது. இதையடுத்து என் இதயமே நொறுங்கிவிட்டது.

இதில் விந்தை என்னவென்றால் நான் காதலித்ததே அந்த பெண்ணுக்கு தெரியாது. அந்த காதலால் நடந்த நல்ல விஷயம், நான் நன்றாக டென்னிஸ் விளையாட கற்றுக் கொண்டது தான். சில ஆண்டுகள் கழித்து நான் மாநில அளவில் விளையாடி வெற்றி பெற்றேன் என்றார்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

ஆமீர் கான் நடிகை ரீனா தத்தாவை 1986ம் ஆண்டு திருமணம் செய்தார். அவர்களுக்கு ஜூனைத் என்கிற மகனும், ஐரா என்கிற மகளும் இருக்கிறார்கள். 2002ம் ஆண்டு ரீனாவை பிரிந்த ஆமீர் 2005ம் ஆண்டு இயக்குநர் கிரண் ராவை மணந்தார்.

அவர்களுக்கு ஆசாத் என்கிற மகன் இருக்கிறார். 15 ஆண்டுகள் கழித்து 2021ம் ஆண்டு ஜூலை மாதம் 3ம் தேதி கிரண் ராவை பிரிந்தார் ஆமீர் கான்.

விவாகரத்திற்கு பிறகும் முன்னாள் மனைவிகளுடன் நட்பாக இருக்கிறார் ஆமீர் என்பது குறிப்பிடத்தக்கது.